السلام وعليكم ورحمة الله وبركاته ، بوست اليوم حيكون ريفيو منتج جدا جمييل
انا كان ليا تجارب مع الشمع حق نفس الشركة مرة حلو بس مرره يئيلم وانا بشرة جسمي حساسه
فبعد ماشيل تسير المنطقة محمره حتى اذا اخذت نوع البشره الحساسة ، بعد كذا وقفت الشمع سرت استخدم الموس
بصراحة هوا مره يتعب مايشيل بسرعه ولاشي لكن يساعدني فل أزمات اذا كان في خرجه وانا ماشلت الشعر فحلي السريع الموس ، وبعد فتره شفت هذا الكريم الجميل لازالة الشعر للبشرة الحساسه ، بس ترا هوا ممكن يضر لانو مواد كيميائيه واذا منتي حابه تضرري منو استخدمي كل اسبوعين ،
تراا منجدد مررره شي جمييل يشيل الشعر بسرعه هوا يجي علبه زي كذا في الكريم اللي تشيلي وتدهني فيها
ماعرف اسمها .جربتو للسيقاني وانا شعري كثير والله يابنات رروووعه انا بصراحة في البدايه اشتريت واحد وماكنت مقتنعه في قلت يالله اجربو دهنت منو في يدي وخليتو سته دقايق هوا اقل شي خمسه دقايق واكثر شي عشره دقايق المهم
شلت بالشي الفوشي اللي في الصورة ، ماشال شي 
مرره تحطمت ومعد استخدمتو رميتو في الدرج و بعد تقريبا شهر اللي هوا اول امس استخدمتو قلت خليني ادي فرصة ثانيه وخليتو عشره دقايق و بعدو شلت والله يابنات راح كل الشعر وسارت المنطقه ناااعمه ومن بعدها ادمنتو هوا قرب يخلص سو رحت اشتريت منو اثنين كان عليه عرض وتخفيض الاثنين مع بعض اخذتو عشان لمن يخلص الاول يكون عندي منو وماتورط اذا في ازمه ولا شي
مميزاتو :
بس تدهني وتخلي من خمسه الي عشره دقايق وتشيلي مافي الم ولا شي وسريع حتى مايسمر المناطق زي الموس
مرره انصح فيه انا سويت هذا البوست لانو بكرا عيد انشاءالله سو اكيد اللي تبغا تلبس قصير وتبغا سيقانها مافيها شعر وناعمه فحسيت انو هذا مرره حيفيدكم ،
سلبياتو :
ريحتو مو حلوه لكن عن نفسي اتقبلتها
طريقة استخدامو :
ممكن تدهني بيدك او نفس اللي تشيل من الجهة اللي تحت " سوري مانضفتها "
ولمن تزيلي من الخط الحاد اللي ع فوق نفس الصوره " وترا مو حاد زي الموس بالعكس "
وبس انشاءالله تكونو استفدتو وقولولي تجاربكم مرره حنبسط و اكتبولي رايكم تحت في الكومنتس
اي سؤال اسئلوني في الاسك :
تابعوني في تويتر :
فيس بوك :
وفضلا ليسا امرا اشتركو في البلوق
وراح اعمل بوست ثاني اليوم برضو ريفيو انا ماعملتهم في بوست واحد عشان لا تتلخبطو ويكون كذا حوسه
وبس بااي
وكل عام وانتو بخير =))
ليست هناك تعليقات:
إرسال تعليق