NaneRm: اتجهزي معابا للعيد ♥♥ ج٣+My 1015 Viewers =)))

الثلاثاء، 6 أغسطس 2013

اتجهزي معابا للعيد ♥♥ ج٣+My 1015 Viewers =)))

السلام وعليكم بوست ذحين راح يكون اخر جزء في سلسلة اتجهزي معابا للعيد

وراح اوريكم لوكات للشعر والمناكير والمكياج وكم نصيحة للميك اب ، بس قبل لا نبدأ حابه اقول انو انا مرره مبسوطه انو سار عدد زائراتي في البلوق 1015 مرره شكرا ومره احبببكم صحيح انو ممكن يكون قليل بالنسبه للبعض لكن انا جدا فرحانه وكبدايه مره كويس لانو تقريبا ليا شهرين ونص فاتحة البلوق فانا شايفه انو انجاز وبس كنت حابه اشكركم واشاركم فرحتي

، سو يلا نبدأ

اول شي الشعر :
اذا حابه تشوفي الشعر الويفي والكيرلي عملت بوست عنو
هنا

هنا زي مانتو شايفين سوت بالفرشه زي الفوليوم من فوق

وبعدين برمت خصلتين من قدام خصله من اليمين وخصله من اليسار

هنا تسريحة ويفي سوت شعرها بالفير من تحت وبعدين بيدها زي كانها بتمشط او بتفتح الكيرلز عشان يسيرو ويفي وبخت سبراي

وسوت نفس التسريحة الاولى فوليوم من فوق بالمشط وبعد كذا لمتهم عادي لورا وثبتتهم ببنسه

هنا طريقة الفوليوم ارفع الشعر من النص اللي قدام لفوق زي الي في الصوره وبخي سبراي وبعدين بالمشط او الفرشه كانك بتمشطي لكن بالعكس وتعديدي عليها كم مره

هذي الستريحة حطيت صورتها في تويتر

اما بالنسبه للمكياج فراح انزلكم فديوهات وصور :

هنا انتو ركزو ع العين

هنا دامجه الاسود والبينك

،

نصاييح :
حاولي تلبسي الالوان الاكثير فراحيه << ههههه معرفت اسميها
او ممكن تلبسي لبس لون غامق انما المكياج والمناكير يكون الوان فاتحة ومشرقه هههه يعني زي البينك الفوشي الفاقع التيفاني قصدي كذا
بالنسبه للمكياج :
عندك مشكله مع الثبات و تحت عينك بعد فتره يبدا يسير رمادي او حتى اول ماتحطي الكونسيلر يسير رمادي :
للتثبيت استخدمي قبل الفونديشن = الاساس برايمر في عندك كثير ماركات ممكن تاخذي من الدرق ستور ، اذا عندك مشكله في المسامات يعني بشرتك دهنيه او مختلطه وفي مناطق التي زون = الانف والذقن والجبها وبيخرب عليكي مكياجك استخدمي بورفيشنال من بينفت ، اما بالنسبه للهالات اذا انها قويه وواضحه اول شي استخدمي كوركتر او اي شدو اورنج ع مشمشي او حتى روج نفس اللون وبعدين حطي الكونسلير وانشاءالله ماراح يقلب رمادي وبعد ماتخلصي الميك اب حقك عشان تثبتي اكثر وتضمني مايخرب عليكي استخدمي ماك فكس بلس من ماك بخي رشتين ثلاثه وبس بكذا تكوني ضمنتي ثبات مكياجك ،
ونفس الشي للايشدو يبهت لونو ونفس الجفن حقك يزيت او يدهن حطي برايمر للايشدو في حق اربن ديكاي بس مو موجود عندنا ممكن تطلبي او حق ماك او نكس ،
حابه تستخدمي اي لانر او كحل الوان من نفس الباليت حق الايشدو حقك استخدمي قطرة اي سيل من ميك اب فوريفر وفي منها في انجلوت اممم مدري فين كمان ممكن تكون في بس اي ثينك ممكن تكون موجوده في ماك وسيفورا ووجوه يعني الماركات العالميه وممكن كمان تكون موجوده في الدرق ستور ترا مني متاكده بس باتوقع
تبي لمعه للسيقانك ويدينك و كل جسمك عندك حق بودي شوب في منو لونين واتوقع ذحين نزلو الوان ثانيه ترا موب متاكده " الصور من النت "

هذا جلتر للجسم

هذي تجي زي البودره المضغوطه تعطيكي لمعه حلوه يعني زي جلو من ذا بالم بس الشركه مو متوفره عندنا تقدري تطلبيها من التاجرات

عندك ذي نفس حقت ذا بالم بس من بنفت

واخيرا من بودي شوب اضاءه وجلو مره جميل
وفي بخاخ للسيقان وممكن تستعملي لليدين موجود في وجوه بس مالقيت لو صوره
وبس بكذا اكون خلصت البوست اللي هوا اخر جزء من سلسلة اتجهزي معايا للعيد اتمنى تكونو استفدتو
واي سؤال اسئلوني
في االاسك :http://ask.fm/raneem372
تويتر : https://twitter.com/irjojoor
فيس بوك : www.facebook.com/raneemRm
وفضلا وليس امرا اشتركو في البلوق =))

NaneRm

الثلاثاء، 6 أغسطس 2013

اتجهزي معابا للعيد ♥♥ ج٣+My 1015 Viewers =)))

ليست هناك تعليقات:

إرسال تعليق

Follow-up me ♥

❣ All posts