الرجوع للدراسه : العنايه بالبشرة / الميك اب ❤❤

السلام وعليكم رجعت لكم من بعد غياب المهم ،

بوست اليوم راح اتكلم فيه عن عنايتنا ببشرتنا ايام الدوام وخصوصا انو البشره بتتعرض لكثير من الاوساخ والغبار والشمس فلازم نعتني بيها كويس عشان ماتجيها الرؤس السوداء بس عموما الرؤس السؤداء لازم تجي وهيا عباره عن وسخ تتراكم وتتحول لرؤس السؤداء , راح تكون التدوينه شوي طويله ف اتحملو واقرو لانو يمكن في اشياء او امور ماتعرفوها بس ،

وبس نبدأ :

اول شي اول مانصحى لازم نغسل وجهنا بغسول  اكيد عارفين كمان مشاءالله البلوجرز ماقصرو
اذا انك ماعمرك اهتميتي في بشرتك لا تبدئي في الامور الصعبه يعني لا تدخلي اااءء كيف اشرحها زي مايقولو في الامور الدسمه او مو أُمور ، ع العموم خلاص انتو فاهموها :)
فا أبدئي بغسول ، تونر، مرطب، واقي شمس

الغسول : وظيفتو انو ينظف البشره  ويزيل الاوساخ وينشطها منجد ترا تحسي بشرتك منتعشه ومتنشطه، وفي انواع مرره كثير  ممكن تاخذي نيترجونيا ، كلين اند كلير ، كليراسيل ، وغيرو كثير انتي روحي السوبر ماركت او الصيدلية وشوفي النوع اللي يناسبك،

التونر : برضو منظف بس ترا لا تتهاون في ذي النقطه ترا منجد مرره ينظف كثير ويخفف لك الدهون وفي انواع لحس مشكلتك في لازالة الحبوب وفي للبشره الدهنيه يتحكم فيها ع العموم انتي شوفي اللي يناسبك ، استخدمي بعد الغسول
في حق بايوديرما ترا مرا حلو جربو حتى حق كليراسيل ، وكمان التونر تقدري تستخدمي قبل الميك اب عشان يعني تنظيفيها وتهيئيها للميك اب ،

مرطب : المرطب ثم المرطب مرره مهم تستخدمي بعد الغسول والتونر لانو بشرتك راح تجف لانو كل الزيوت الطبيعيه راحت فلازم ترطبي وترا حتى البشرة الدهنية لازم تترطب ولا تخافي انو بشرتك تدهن ترا في مرطبات مخصصه للبشره الدهنيه
حتى الانواع الثانيه شوفي بودي شوب عندهم كريمات للبشره الدهنيه وكمان في السوبرماركت والصيدليات  وممكن تاخذي مجموعه كامله من بودي شوب تكون تجي غسول و تونر و كريم مرطب او موشرط يعني بس نصيحه من عندي =)) ،

واقي الشمس : اكيد اكيد راح تتعرضي للشمي وانتي ماتبغي لونك يغمق فاستخدمي واقي شمس و يكون فيلو من المكونات الي تحمي من اشعة ( UVA ) المسببة لعلامات تقدم السن المبكرة ومن كمان المكونات اللي لازم تكون موجودة في واقي الشمس لتحمي من اشعة ( UVB ) المسببة للحروق سو لازم تتاكدي تكون هذي المكونات مكتوبه لانها مره مهمه وعشان تطلعو اكثر ع الموضوع شوفو مدونة جوجي =)) اصلا انا شفتو عندها ومره استفدت منها مشكوره جوجي ع البوست المفيد ، وبس بكذا عرفتي كيف تختاري واقي الشمس المناسب لكي اذا حابه نوع رخيص وفيلو المادتين اللي فوق وكمان ٥٠ اس بي اف شوفي حق بيزلين سعرو خمسين وفي كمان حق نيتروجينا وكمان نيفيا وغيرو كثير انواع اما اذا عادي تشتري غالي ، شوفي حق بايوديرما و فيتشي و ايفين ع العموم انتي شوفي اللي يناسبك ، كمان شوفو تودينة janooon حتى هيا كاتبه عن واقيات الشمس في كمان نصايح وبس انشاءالله اكون وصلت لكم المعلومات الكافيه عشان تختاري واق الشمس اللي يناسبك وعرفتي اضرارو و إجابياتو :) ،

لازم هذي الاربعه خطوات تسويها عشان تحافظي ع بشرتك ، اما اذا كنتي حابه كمان تستخدمي مقشر فعادي لكن استخدمي المقشر اللي يكون مكتوب علي للاستخدام اليومي لانو الحبيبات اللي في تكون لطيفه ع البشره ، انا اول كنت استخدم مقشر كلين اند كلير مورنينج انيرجي ، وحاليا بستخدم حق ستيفز، ممكن تستخدمي المقشر يوم بعد يوم او عادي كل يوم لكن اذا مكتوب علي انو للاستخدام اليومي ،
بعد كذا لمن نرجع من الدوام ضروري ضروري تنضفي وجهك لانو انتي اتعرضي للشمس والغبار والاوساخ كلها تجمعت في بشرتك وغير كذا اذا كنتي كمان حاطه ميك اب يعني تخيلو كيف البشره مكتومه فلازم تنضيفيها كمان عشان تكون البشره نضيفه وما تجي الرؤس السوداء ، ممكن بغسولك العادي او ممكن بالتونر لكي حريه الاختيار  ،



اما بالنسبه لبشرة جسمك فممكن تخلس يوم الى ثلاثه ايام في الاسبوع تسوي تقشير لجسمك
والترطيب اذا بشرت جسمك جافه او عاديه يعني عادي للنوعين ممكن تستخدمي زبدة الجسم عندك من بودي شوب كمان دحين جابو ريحه جديدة بالتوت

 وفي كمان السوبر ماركت اممم ممكن تجربو كمان حف زيدة الكاكو اللي من فازلين
، كمان جربي زبدة الشيا ترا ترطيبها مرا عالي هيا و زبدة الكاكو من اي مكان تلاقيها السوبرماركت او محلات العنايه زي بودي شوب اتوقع نكتار فيلو مادري مني متاكده ،
وبس هذي كانت العنايه اما بالنسبه للميك اب :
احنا مانبغى شي ثقيل فالصباح احسن يكون مكياج ناعم واحلي شي الالوان الهاديه .

قبل الميك اب لازم برايمر : اذا بشرتك دهنيه جربي البورفيشنال اللي من بنفت ترا مره شي جميل يسد المسام وقد ماتعرقي ما يدهن وجهم ويخلي المكياج يثبت وقت اطول في كمان نكس عندهم برايكرز جميلين كمان في بنفت عندهم برايمر زي الروج تدهني ع وجهك بس مهو زي البورفيشنال بالنسبه لبرايمر الاي شدو انا ماراح اتكلم عن الاي شدو لكن للي حابه تحط اي شدو تستخدم برايمر عشا مايسيح في الشمس ويتعدم عندك حق توفيسد و  اربن ديكاي و نكس كمان غيرهم بس ذولا افضل شي كمان في حق بنفت وكمان في للوجه من بودي شوب برضو زي البورفيشنال بس هما عندهم نوعين نوع للبشره الجافه ونوع للبشره الدهنيه انتي اختاري اللي يناسبك ،


المونسترايزر او بيبي كريم : ممكن تستخدمي المونسترايزر اللي هوا كريم مرطب مع لون او بيبي كريم واللي معروف كثير ذحين وموجود في اغلب او مو اغلب اتوقع كلها عندها منو  وكلهم تغطيتهم خفيفه او يمكن فيه متوسط او عالي بس انا ماجربت انا اجب استخدم حق ميبلين او غارنيه ، انا مافضل تستخدمي اساس في الصباح كمان راح يعدم بشرتك اذا كل لكن اذا متعوده فا شي يرجعلك واذا جابه اساس خفيف جربي حق هيلثي مكس

مره يعجبني احسو يعطييني ديوي لوك و حيناسب اكثر البشرات الدهنيه والمختلطه

اما حق غارنيه كثير بنات سبو وماعجبهم انا عن نفسي عجبني ولمن احطو احط في مناطق التي زون بودرة اثبتو فيها
احسو يخلي شكلي صحي كذا بس ترا عملو نوع جديد يناسب البشره الدهنيه كمان المختلطه

 معليش مالقيت صوره غيرها انا عجبني لكن اخذت درجه لايت افتح شي مرره ماناسبني مخلي شكلي شاحب ومره فاتح بس النوع الاول حق البيبي كريم اخذت لايت افتح درجه بس ناسبني لانو اغمق من ذا ع العموم جرب ادمجو معا ونفع
، وفي انواع بيبي كريم ثانيه خذي اللي يعجبك و ع حسب نوع بشرتك وايش تحتاج ،

ثاني شي الكحل :
انا اقول غيري في الصباح من الاسود واذا ماتحبي الالوان الفاتحة استخدمي بني ترا مرره لون جميل جربي
واذا حابه تستخدمي الوان فاتحة استخدمي البيج لا تستخدمي الابيض لانو مرره شكلو مو طبيعي او ممكن تستخدمي الابيض اللي نص العين وبعدين تستخدمي البيج علي يعني كنك تدمجيهم وتكملي الين اخر العين من جوا اتمني فهمتوني
كمان ممكن تستخدمي الوان غير يعني موف او برونزي غيري :)

ثالث شي الايلاينر :
ارسمي رسمه تكون يعني خط خفيف ع خط الرمش او اذا انتي حابه ترسمي كات ايز او اي ريسمه فانتي حره لكن يعني بقولك من وجهة نظري =) اذا حابه تستخدمي جل لاينر عندك من ميبيلين اتوقع في بس لونين بني واسود انا عندي اسود

هذا هوا ترا بنات احسو بديل لحق ماك انا ماجربت حق ماك لكن احس كذا حتى في بلوجرز كاتبين كذا المهم سوادو حلو وما يتكتل و ثباتو كماان مرره حلو مره يثبت هوا يجي معا فرشه انا استخدمها مني شايفه منها اي سلبيات بالعكس حلوه
، واذا حابه تستخدمي ايلاينر سائل عندك بودي شوب و ريميل ترا في كل الماركات في انتي خذي اللي يعجبك وتشوفي الفرشه حقتو سهل الاستخدمات بالنسبه لكي ،

الحواجب :
مرره شي حلو اذا رسمتي حواجبك سواء بقلم او ببودرة الحواجب اذا حواجبك مرسومه مايحتاج تسوي تشقير وهذي الاشياء بس عبيها ومشطيها واذا حواجبك من النوع اللي مهي مرتبه يعني لمن تمشطيها كيف اقولها يعني لمن تكون حواجبك من النوع اللي لمن ترتبيها بعد شوي ترجع ماتتربت تخرب شكلها خلاص عاد افهموها:) فاستخدمي جل الحواجب بعد ماترسميها هوا يجي شفاف قوامو جل حيرتب حواجبك وحيثبتها ،


المسكرا :
انا مرره ماحب استخدم مسكرا احب رموشي ع طبيعتها بس احط فازلين في علبة مسكرا تكون خلصت انضفها واحط فازلين ترا مرا يدي شكل لرموشي اني حاطه مسكرا هذا بالنسبه ليا اما اذا كنتي تستخدمي شوفي مسكرات ميبلين او ماكس فاتكور مرره اشتهرت مسكراتهم شوفي اللي تعجبك وتحسي تنفع للوك الطبيعي كمان شوفي فديو حق جوجو الرجوع للدراسه اتوقع الجزء الاول او الثاني مني متاكدة المهم هيا جابت مسكرتين وقالت انهم طبيعين و ينفعو للنهار والاستخدام اليومي ماعرف اسمهم انتو شوفو الفديو وحتعرفو ،

البلشر :
ممكن تستخدمي البلشر العادي او بلشر كريمي في بلشرات كريميه من نمبر٧ مره حلوه حتى ماكس فاكتور وكمان نكس وفي غيرهم كمان كمان ماك وسيفورا شوفو اللي يعجبكم
اما البلشرات العاديه في كل الماركات تلاقيها ممكن تاخذيها من الدرق ستور او من ماك او سيفورا من الماركات الموجودة فيها ،

الروج :
ممكن تستخدمي اللب بتر اللي من ريفلون تراا مره حلوه وترطيبها عالي والالوان واضحة مو زي لابيلو

او ممكن تاخذي ارواج كيت موس اللي من ريميل او اي كولكشن من ريميل او حتى ريفلون كمان نكس ارواجهم جميله حتي من كياجي  كمان شوفي ارواج مااك



وبس انشاءالله تكونو استفدتو انا عارفه البوست طويل بس حاولت قد ماقدر اني افيدكم بالي اعرفو واي سؤال انا حاضره بلييز اشتركو في البلوق ، ولا تحرموني من تعليقاتكم ، واذا حابين اسوي وجبات فطور قبل الدوام قولولي تحت وابشرو من عيوني :)
وسو لايكwww.facebook.com/raneemRm في الفيس بوك
اسك : http://ask.fm/raneem372
تابعوني ع تويتر : https://twitter.com/irjojoor

بااي =)