السلام وعليكم ،
اليوم راح يكون الجزء الثاني من سلسة اتجهزي معايا للعيد وراح تكون تنسيقات
للعيد انا نسقتها ماجبتها من النت ،
عملت اربعه تنسيقات وانشاءاللع تستفيدو وتاخذو افكار ، اسيبكم مع التنسيقات
:
بلوزة مخرمة لونها اسود وتحتها بودي سكري قماشو مره حلو بس موباين في الصوره
مع بنطلون ابيض
وصندل << اكرمكم الله
مناكير فضي مررره حلو حبيييتو مره 
اسورا ع شكل فيونكه ( اكسسوار )
سلسله لولو مرره ناعمه وشكلها احلا من الصوره بمليوون مره
، واذا كنتي تبي تخلي اللبس اكثر كاجول او فانكي
فالبسي اساور كثير ملونه زي اللي في الصوره وعاد انتي شكلي الوان من عندك موشرط نفس حقتي لكن انا افضل كذا عشان انا اشوف انو كذا حيخلي اللبس اكثر فانكي بدال الكلاسيك
ومع سلسه مرره ناعمه مكتوب عليها لوف
ومناكير بينننك هذا اللون انا مرره عاجبنيي مررره حلو يالله قد ايش جميل هاللون
، وبس هذا بالنسه للتنسيق الاول التنسيق الثاني راح يكون فستان
التفاصيل :
البلوزه المخرمه : بصراحة نسيت
البودي : ماما جابتو ليا وماسئلتها اذا تبوني اسئلها اكتبولي تحت في اكومنت
البنطلون الابيض : اتش اند ام
السلسله حقت اللولو : اكسسواريز
الاساور : الدو
الصندل : الدو
المناكير البمبي : ماركس وسبنسر
الاسورة حق الفيونكه: ماما جابتها ليا
المناكير الفضي : كليرز
مررره معليش يابنات الفستان مو مكوي نسيت اكوي 
، نرجع لمحور حديثنا ، الفستان لونو كحلي غامق و فيلو شرريطه طويله عشان انتي تسوي الفيونكه
وطولو يوصل لتحت الركبه بشووووي مره
هذي صوره كامله للفستان معليش بنات الصوره مقلوبه اقلبو معااها
زي مانتو شايفيين موطويل وكمو قصير
وحلبس معاه هذا الفلات << اكرمكم الله
اما بالنسبة للأكسسوارات راح البس نفس السلسه حقت اللولو
اما المناكير فححطت لون خربزي ع بينك بس في الصوره مبين بمبي لكن هوا يميل اكثر للخربزي
مع هاذي الاساور ،
التفاصيل :
الفستان : lanidor
الفلات : والله نسيت
المناكير : كليرز
الاساور : الدو
نجيي للتنسيق الثالث
الحلق راح يكون ع شكل حصان مره جميل
السلسة راح تكون طويلة وقيها فصوص تلمع لون ابيض واسود مررررره حلو هذا السلسال
وهذي البلوزة من ورا زي مانتو شايفين في فيونكااات مررره كيوت و حلوه
وتحت البلوزه بودي ازرق لانها واسعه وكمان عشان يدي شكل
لانو اصلا موديلو من فوق واسع مع الكم بس من تحت توصل للخصر وماسكه
معاها بنطلون سكيني ازرق غامق ع كحلي
والمناكير حطيت اربعه الوان كلها مناسبه انتو اختارو اللي يعجبكم او ممكن من عندك تبتكري اللون اللي يعجبك
عادي :)
هاذي سواتشز للمناكير بس مادري ليش مبينه اغمق 
وراح البس معا هذا الفلات ومن ورا في فيونكه
التفاصيل :
البلوزه : برمودا
البودي : نكست " مني متاكده "
السكيني : توب شوب
المناكير : كلها من فلومير معادا الفوشي كليرز
الفلات : سنتر بوينت
السلسله : من موقع سوق .كوم
الحلق : كليرز
. واخر تنسيق ،
راح تكون هاذي البلوووووزه الللي مرره تجنن
مع بنطلون ابيض نفس اللي فوق
والاكسسوارات راح البس سلسله اللولو
وهذا المناكير اول شي احط السكري طبقتين او ثلاثه لانو خفيف
وبعدين احط الشفاف بس
.وراح البس معا الصندل
، اما للمكياج لكل التنسيقات انا احب المكياج الخفيف
البلوزه : برمودا
المناكير : فلومير ،
ــــــــــــــــــــــــــــــــــــــــــــــــــــــــــــــــــــ
وبس للامانه جبت فكرة التفاصيل من ♥اميره
اتمنى تكون عجبتكم التنسيقات
واي سؤال اسئلوني في الاسك
وتابعوني في تويتر
وسولي لايك للصفحتي في الفيسبوك
ادعموني واشتركو في البلوق
، باي
ليست هناك تعليقات:
إرسال تعليق