ريفيو :كونسلر من سوب اند قلوري

السلام وعليكم ،

طيب...كبداية احب اقول أي نو انا قلت قبل الاختبارات ابغا انزل كم بوست لكن صراحة اتكاسلت 

وانا احاول اني انتظم بتنزيل التدوينات ع طول ، وانا فعلا شايفة انو انا مره قصرت مع المدونة ، وراح احول انزل بانتظام اقلها كل اسبوع بوست ، وكمان اجازه يعني عندي وقت كاف انزل في ومافي شي يشغلني ،اعذروني رجاءً .

ومبروووووك الاجازه << بدري   :) .

تدوينة اليوم حتكون ريفيو لمنتج من الميك اب من سوب اند قلوري اللي هوا كونسلر تريك اند تريتمنت .

نبدأ :

هذا هوا انشاءالله تكون الصوره واضحة 

زي ما قلت اسمو تريك اند تريتمنت

ايجابياتو :

، من ناحية الحجم والشكل  فحجمو صغير مو مره بس كويس و شكلو حلو

تغطيتو متوسطة 

يناسب البشرة الدهنية والمختلطة

يندمج بسرعة

ثباتو ممتاز

،

اما سلبياتو :

اول شي انا حسيت انو إضاءة مو كونسلر وفيلو شيمر شويه يبين زي إضاءة بس ع خفيف مرا ، لمن تشتريه ماحيبين انو كذا لكن لمن تجربي وتجي في الضوء راح تلاحظي لكن فالاستعمال حيبين زي الاضاءة ( لاحظو زي الإضاءة موب إضاءة ) بإمكانك تستعملي عشان تخفي بي لكن بعدو تستخدمي بودره عشان تثبتي وتخفي الشيمر الخفيف اللي في ، هوا مكتوب انو للاندر ايز  يعني لتحت العين ، وانو يغطي الهالات و يفتح المنطقة ماراح يناسب كأنك حاطه إضاءة تحت عينك ، واذا هالاتك غامقة جدا ماراح يناسبك ابدا ، ولتحت عينك ماينفع بس ممكن تستخدمي كاإضاءة او هاي لايت


ثاني شي  الدرجة جدا فاتحة ومافي غير هذي الدرجة يعني ينفع للي مرره بيض لانو انا بيضا مو قمحية ولا سمرا وطلع فاتح عليا ، في اربع درجات منو ع ما اظن لكن مو عندنا برا اللي متوفر عندنا درجة فاتحة


ينشف بسرعة يبغالك تدمجي ع طول
ـــــــــــــــــــــــــــــــــــــــــــــــــــــــــــ

إستخدامي له :


أستخدمو كهاي لايت و كمان إضاءة ، احس انو مشابه لماري لو لمنايزر من ذا بالم ، كمان ممكن تستعملي كبيس للاي شدو انا ماجربت لكن بجرب انشاءالله
، استخدمو بفرشاه من f70 sigma

بس اوزع بيها مادمج ، الدمج استخدم بلندنج برش فرشة الدمج  برضو من سيقما f50


النهاية بقول
 اذا اشتريتي وبفكرك انك تخفي هالات غامقة فماراح يناسبك .
اما اذا اشتريتي وبفبالك انك تستخدمي كإضاءة او هاي لايت او كمان بيس للاي شدو فكذا تمام بإمكانك تشتري .
في الأخير شي راجعلك :)



بس انشاءالله تكونو أستفدتو واللي جربتو تمتبلي في التعليقات تجربتها .



مواقع تتواصلي معاي فيها

أسئليني "  http://ask.fm/raneem372

تويتر " https://twitter.com/irjojoor

       فيسبوك " www.facebook.com/raneemRm

مع السلامة ، دمتم بخير يارب :)

تحدي ١٠٠ كتاب ~ الجزء الاول

السلام وعليكم ، ورجعت لكم اليوم ببوست جديد أدري اني مقصره كثير بالمدونه 

و أقدم لكم إعتذاري لكن جد جد الفترة اللي راح خططت لكم بوست وماهو عذر ادري :( ، واحب اقولكم عشان تعرفو ماحب اكتب مدونه وانا مالي نفس لمجرد اني خططت للمدونه لكن احب اكتبها بنفس :) ياليت تفهموني ،

وبما انو الاختبارات خلاص على وشك تبدأ فقررت انو هذا الاسبوع انزل تدوينات لانو بعدين راح انشغل كثير بسبب الاختبارات .

تدوينه اليوم راح تكون عن تحدي مية كتاب انا قراتو من مدونة الجميلة بيان been's blog , افتحو الرابط وراح تعرفو ايش القصة بالضبط ،

 و القصة باختصار شافت هاشتاق في تويتر عن تحدي ١٠٠ كتاب وققرت تخوض التحدي ، وانا عجبني التحدي فقررت اني كمان اعملو ، فخبررتها انو نتحدا بعض انا وياها ونشوف مين يخلص ال١٠٠ كتاب في سنه ٢٠١٤ او حتي اللي تقرء اكبر عدد من الكتب اكثر من الثانيه ، وقلنا نتكلم عن التحدي عشان الكل يتحمس معانو وتشاركونا التحدي :).

فهذي التودينه راح  اسوي ريفيو لجميع الكتب اللى حتى الان قراتها .

نبدأ :

بس قبل لا ابدا بقول لكم انا احب اقرء اكثر شي الروايات البوليسية و الجرائم و كمان الخيالي بس عادي عندي اقرء غير كذا بس هذا انواعي المفضلة :)

سويت ريفيو مفصل عن هذا الكتاب  هنا

تقيمي له اعطيه : ٥/٣

جزيرةالرعب من احلى الروايات اللي قرأتها هيا روايه خياليه 

بس جميله بشكل ، تحسسك بكل الكلام اللي مكتوب وتتخيلي كل شي ،

القصة بشكل مختصر عباره عن ولد لقى بيضة لطائر وتبدأ تتسرد احداث القصة 

من جرير ماتذكر سعرها في في الاربعينات اذا ماكنت غلطانه  

اعطيه ٥/٥ فعلا جدا نال اعجابي الكتاب .

الجزيرة المظلمة في بداية الروايه مليت شوي و لكن على نص الروايه ومابعد بدأت الرواية تحمسني اكثر لقرائتها 

عجبني الكتاب لكن مو مره الروايه اقدر اقول انها اكشن  ، وعلى فكره تراه كمان فيلم ! :) يعني ممكن تشوفي الفيلم اذا ماتبي تقرئي 

انا ماشفت الفيلم بس متحمستلو ،

من جرير برضو في الاربعين بس مو فاكره :(

اعطيلو ٥/٣

لغز الكاريبي من اجاثا كريستي ، من اسمها لغز وهيا روايه جريمه ويتبعها تحقيق اصلا كل كتابات اجاثا من النوع الجريمي ، والكتاب عباره عن قصص وجريمه وزي ماقلت يتبعها تحقيق

، لمن وصلت لنص الكتاب طفشت ولمن قربت اخلص الكتاب قلت بيجي الفرج ويمكن في اشياء

تحمس عالنهايه بس للاسف بالنبسه ليا ماعجبني الكتاب ذاك الزود ، من جرير ب٢٠ 

اعطلو ٥/٢

جثة في المكتبة برضو من اجاثا كريستي ، احلى من لغز الكاريبي بمليون مره 

، القصة بنت يلاقوها مقتوله في مكتبة في بيت عائلة و يبدأ التحقيق ،

عجبني الكتاب لكن شويه مليت مابين البدايه ونص الكتاب ، من جرير ب٢٠

اعطيلو ٥/٣

رواية حوجن اللي صار عليها ضجة مرره كبيره اللي يقرء واللي مايقرء صار يقرئوها،

الكتاب قصتو عن جن القصة ماتخوف ابدا ،  وطلعت كثير اشاعات عن الكتاب ماني حابه اذكرها ، لكن انا قرئت للكاتب ابراهيم عباس 

قال انو كل الكلام اشاعات وانا غرضي ابين لكم انو الجن ( اعوذ بالله من الشيطان الرجيم ) لهم حياة زي مالنا احنا حياة وياكلو ويشروب ولهم احاسيس مثلنا بالضبط ، عجبني الكتاب ، من جرير ب٤٥

تقيمي له ٥/٤

عائشة تنزل الى العالم السفلي برضو صار عليه ضجة ، وانا كل ماروح جرير ابغا اشتري الى يطلع مخلص 

، المهم قصتو انو بنت متزوجه وكان عندها ولد ومات وتقعد مكتئبة ويكون عندها سبعه ايام اخيره تكتب فيها كل شي في نفسها ، عجبني الكتاب والقصة حزينه وكئيبة الى اني اندمجت كثير مع الكتاب  ، من جرير اتوقع ٢٦

اعطيه ٥/٤

 مذكرات طالب ، كمان بالاساس هوا فيلم وصار يتسلسل لكتب وفي منو كثير اجزاء للكتاب يعني كل كتاب قصة وفي عربي وانجليزي

، ممتع الكتاب عجبني ، سعرو ماتذكر صراحه

اسمو الطفل الجبان ، حلو الكتاب و بالانجليزي

، من جرير ب٣٦

اعطيه ٥/٤

كتاب سحر القيادة من ابراهيم الفقى ، حلو الكتاب وممكن كمان تتعرفي كيف تتعاملي مع الشخصيات 

، واتوقع من اسمو بينفهم ايش ممكن يكون محتوى ،كمان راح يفيد المدراء والرئساء :) في النهايه هوا شي اختياري اذا حابه تشتري او لا ، من جرير ب ١٠ اتوقع 

تقيمي لو ٥/٣

وبس هذه كانت كل الكتب اللي قرئتها في الشهرين اللي فاتت ولازال في كتب مازلت بقرئها وانشاءالله شهرين وراح اكتب عن الكتب اللي قرأتها خلالها .

انشاءالله تكونو استفدتو من التدوينه ، واي كتاب قرأتو اكتبولي تحت ، بوست في بالك اكتبولي ، اقتراح اتحفوني :)

دمتم بسعاده والقاكم في بوست ثاني .

سر النجاح ليس سرا ... ♥♡

السلام وعليكم ،

ادري حييييل طولت عليكم بس معليه اعذروني شاحن الاب حقي خرب وصارت حوسه وكذا ،

وبما انو هذا الاسبوع اجازه فححاول انزل من بوستين الى ثلاثه  ،

 طيب هذا البوست انا كنت مقرره اني اسوي من شهر او ممكن اقل ، بس الله ماأراد ،

طيب انا قبل وخيرتكم حابين ايش قلتو كتاب ، وفكرت وحبيت فكره انو كل شهرين ثلاثه اكتب عن كتاب وحاليا حيكون ريفيو عن كتاب واحد ،

طيب نبدأ :

ادري كثير يتمللو من قراءة الكتب ومايحبوها ، ماسئلتي نفسك يوم كل المشاهير والناجحين والمخترعين في حياتهم ايش كانو يعملو اغلبهم او تقريبا كلهم ألفو كتب مع انو مجالهم مو كتابه لكن ألفو خلو الناس يقرئو من ثقافتهم والناس بتقرأ وتتثقف ،

هذا الشي اللي ابي اوصله الثقافه من القراءة ، انتي تقرئي عشان نفسك عشان تفيدي نفسك او حتى عشان رفاهية يعني مو بس عشان ثقافه لكن اليوم كتاب يجمع مابين الثقافه و الاراده والوصول لهدف وكمان للرفاهيه ، وانا شخصيا مرره اتمتع بقرائته ، اللي هوا كتاب ( سر النجاح ليس سرا ) انا ماقرئتو كلو لكن فكرتو واضحه ،

يتكلم عن كل الناجحين من اوبرا، وشكولاتة هيرشي وغيرهم كثيير ويحكيلك عن حياتهم كيف نجحو ،من بداية فشلهم لناجحهم ،

 مؤلف الكتاب ( دارسى أندريس ) اصلا الكتاب اجنبي بالانجليزي لكن هذا مترجم للعربي 

الكتاب من جرير ب٤٥ ، ومره انصحكم تقرئو جدا راح يعجبكم يعني فعلا القصص تحمسك وتشجعك انك تثابري وتكملي مهما فشلتي عشان تحققي حلمك او هدفك :) 

، عن قريب انشاءالله راح اعمل تدوينه راح اتكلم فيها معاكم :) 

، 

اشتركي في بلوقي فضلا ليس امرا 

تويتر /https://twitter.com/irjojoor

 فيسبوك/www.facebook.com/raneemRm

مفضلات 2013 =)))

السلام وعليكم ، كيفكم شخباركم ، انشاءالله تمام

اليوم البوست عن مفضلاتي لعام ٢٠١٣ 

من البيوتي  ، ولكن ماراح اسوي اي ريفيو مجرد اني اكتبهم 

لان المنتجات كثيره مشاءالله

اوكي نبدأ :

اول شي العنايه ،

* اول شي من اليمين غسول للمنطقة الحساسه اسمه سافوريل

* ثاني شي غسول للوجه من بوندس اجمل غسووول اطلاقا ا جد ينظف وقلل الحبوب بشكل ويرطب مايخلي بشرتك جافه 

*ثالث شي زبدة الكاكو من فازلين جدا جميله وترطيبها جميل .

* رابع شي مقشر وجه من ستيفز للبشره الحساسه اول شي انا بشرتي مختلطه لكن بما انو فيها حبوب فهيا بتكون شويه حساسه بالنسبه لهذا المقشر لانو حيل حبوبه خشنه لكن جميل ويزيل الرؤس السوده وينظف ويزيل الخلايا الميته .

* خامس شي ديودرنت او مزيل رائحة العرق من بيزلين  .حيل حلو واهم شي انو خالي من العطور 

* واخر شي مقشر الشفايف من ذا بودي شوب مره جميل ، وقد كتبت عنو ريفيو 

بعدين نجي للمنظفات  او المزيلات:

* اول شي من اليمين انا غلطت وحطيتو في ذي الصوره فماراح اتكلم غير تحت 

* ثاني شي مزيل المناكير من سيفورا ، سويت عنو ريفيو

* اما هذا الحب مزيل مكياج العيون من لوريال بالنسبه ليا افضل مزيل يشيل الايلاينر الوتر بروف وكلو 

افضل فرشاة شعر : 

هذي الفرشة من نزيه اخذتها لانو مكتوب نو تانقليد يعني لا للتشابك 

وكثير بنات حكو عنها 

اول شي مرره جميله حبيتها ماتقطع الشعر 

اما زيت الماكديميا فهوا جا معاها 

و اللحين الميك اب :

اول شي برودكت الفيس او منتجات الوجه

* من اليمين بيبي كريم من بوندس صراحه حيل حلو وعجبني واتوقع يناسب جميع البشرات

* ثاني شي بيبي كريم من مايبلين كمان مرره حلو وهو مخصص للبشرهة المختلطه والدهنيه لكن ماحسته يناسبها بالعكس احسه يناسب البشره الجافه لانه مرره دهنلي هيا 

*اساس هابي لايت من بورجوا جميل بس مو مره ناسب بشرتي بعد فتره تدهن وكل مازدتي بيعطيك كفردج اكثر بس في النهايه تغطيتو ماتتعدى المتوسطه ابدا ويعطي لوك ديوي بس كل نص ساعه او ساعه اذا حابه لوك مات ثبتي بالباودر وكمان حسيته يخطط شوي حولين انفي 

* بورفيشنال من بنفت المشهور مين مايعرف خافي المسام و مثبت الميك اب جدا رائه وانصح ذوات البشره المختلطه والدهنيه بتجربتو

* اخر شي تحت كونسلر رول اون من غارنيه جمسل استخدمو لتحت عيني فقط تغطيها خفيفه لمتوسطه ويناسب الصباح لانو حيل خفيف لكن مايغطي حيل بما انو هالاتي حييل غامقه

البودر والبلشرس :

* اول شي بودره ستاي مات اللي اشتهرت هالفتره جدا رائعه تخلي الوجه مات حتى بعد كم ساعه ماتخلي مات لكن ديوي بطريقه جميله 

 * ثاني شي بلشر ايلف اتكلمنت عنو في مفضلاتي 

* بعدين من اليمين بلشر ماك لونو بنك بس حييل حلو  

* ع اليسار بلشر من اتش اند ام جدا جميل ولونو بيتشي ع بينك ع روز  خليط رائع وثباتو بيرفكت

، كل البلشرات ثباتهم عالي 

الارواج :

* اول واحد من اليمين من ريميل لونو نود ع بينك رقمو٠٧٠

*ثاني روج من مايبلين المجموعه الجديده لونو مره جميل ماحعرف اوصفو انتو ررحو وشوفو رقمو ٢٤٥

* ثالث روج من مكياجي مجموعة انا حلوة ارواج رائعه مات وثباتها حيل عالي وغير كذا كريميه بس تحوس شوي رقمو ٧

*اخر شي روج من ريفلو مجموعة اللب بتر اسم الروج ريد فلفت رقمو ٤٠

العيون :

* جل لاينر مايبلين الاسود جدا ثابت اصلا وتر بروف سوادو جميل وفي الوان ثانيه

* كحل من نكس لونو ازرق وفي شيمر عامله سواتش 

* كحل من بورجوا لونو ذهبي وفي شيمر وحيل حلو 

* كحل من بودي شوب اتوقع انو لمتيد اديشين عامله لو سواتش اول واحد من اليمين لكن بما انو فاتح فمار اح يبان مرره لكن حيل حلو لتوسيع العين وللصبح او حتى غير الصباح

الحواجب : 

بودرة الحواجب من بودي شوب درجه ٢

جل الحواجب لتثبيت خصوصا للحواجب الكثيفه انصح في وبقوه من بودي شوب 

،

اخيرا الفرش المفضلة واللي استخدمتها اكثر شي :

* اول فرشة من اليمين فرشة الدمج انا استخدمها للاساس جدا عادي لكن انشاءالله ناويه ع f80

* فرشة البلش والكونتور رائعه للكونتور والبلشر وتوزيعها جميل 

* فرشة البودره كبيره وتوزع بطريقة جميله

* فرشة الكونسيلر جدا جميله اذا كنت بنظف حولين فمي او حواجبي بالكونسلر اجمل من الجمال نفسو 

* فرشاة تينجل من ذا بودي شوب استخدمها لمن اعبي حواجبي بالباودر او للايلاينر مرره بيرفكت

وبس هذا كان بوست اليوم انشاءالله عجبكم واي سؤال اتفضلو 

واي اقتراح لتدوينه خبروني

Review : مجموعة المكديميا =)

السلام وعليكم ، كيفكم شخباركم ؟ انشاءالله تمام 

،ادري ليا فترا طويله ماعملت بوست تقريبا شهرين بس انشغلت شوي و كمان الكسل كان لو دور بس ما عليه ،

انشاءالله معد اتاخر ، المهم بوست اليوم راح يكون تجربتي مع مجموعة الماكديميا في كثير بلوقرز عملو تجاربهم وانا ليا فتره ابغا اعمل البوست لكن مافيه نصيب والحمدلله ذحين اتسهل وهذا البوست  ، 

اول شي نوعية شعري جاف صعب التسريح وكتبت هنا نوع شعري هنا ،
مجموعة الماكديميا مصنوعه من زيت الماكديميا و في مكونات ثانيه من زيوت وكذا بس نسيت والله 

اول شي الشامبو
بصراحه احلى شامبو استخدمتو احسو يرطب و ينضف ويعالج الشعر بنفس الوقت
من بعد ماستخدمتو حسيت شعري سار انعم وماينفش يعني هاجد وفي لمعه حتى التلف اللي في اطراف شعري حسيتها اتحسنت ، الكميه كويسه وكميه صغيره تكفي كل شعرك ويطلع رغوه كثيفه  وقللي التساقط ، الشامبو عجبني واكيد بشتري مره ثانيه وانصحكم فيه
، السعر : يا ٩٥ او ٨٥

ثاني شي الماسك ، واقول احلى ماسك جربتو مرره يرطب الشعر وحسيتو صلح الاطراف التالفه
من النهايه هالمجموعه عشان تصلح الشعر التالف و المقصف والجاف وصعب التسريح ولتساقط الشعر حللي كل المشاكل
شعري سار احسن بعشر مرات ومره قليل سار يتساقط وساعدني الماسك في فرد الشعر اثناءالستشوار و خلى شعري صحي وحيوي   ، احطو ع شعري بعد البلسم والشامبو لمده تقريبا خمس ست دقائق واغسلو
، السعر : ١٠٥

ثالث شي بخاخ زيت الماكديميا ، احلى شي فيلو ريحتو مررره تجنن
هذا البخاخ تبخي ع الاماكن اللي في شعرك جافه وتالفه ومحتاجه عنايه
انا ابخو ع الغره و اطراف الشعر و بعدين امشط شعري حسيتو يدهن شويا عالشعر
بس عادي مومره سئ ، رطب شعري ومرره ساعدو في الاصلاح والريحه تثبت لكم يوم ممكن يومين
السعر : مني متاكده اتوقع من ٦٠ الى ٨٥

زيت الشعر برضو من زيت الماكديميا ، برضو ريحتو تهبل ومرره جميله
استخدمو بعد ماغسل شعري احط شويا مع الكريم وادهن شعري فيه يعطيلو ريحه جميله و ترطيب زياده
ويعطي لمعه صحيه ويهجد الشعر
،


وبس هذي كانت تجربتي مع المجموعه انصحكم فيها
قولولي تجاربكم في التعليقات
اتواصلو معي

الاسك http://ask.fm/raneem372

التويتر : https://twitter.com/irjojoor

الفيس بوك : www.facebook.com/raneemRm

september favorites / مفضلاتي لشهر سبتمبر =)

السلام وعليكم

 ،  راح يكون بوست اليوم عن مفضلاتي لشهر سبتمبر وهذا اول بوست اسوي عن مفضلاتي 

وحبيت اقولكم انو مو كل شهر راح اعمل مفضلاتي لانو  انا اصلا مو كل شهر اشتري اشياء جديده وحتى اذا اشتريت ماحب اقول راي عليها بدون ماستخدم المنتج اكثر من مره واتاكد منو 

وقبل لا ابدأ اعرفو انو مو اي شي يناسبني ممكن يناسبك و العكس .
لت قيد ستارت :

اول شي مفضلاتي العشوائيه 

هذا هوت شوكلت بالمارشملو مرررره عجبني وحتى خلصت العلبه ، هيا يجي فيها ١٤ ظرف ومو ظرف واحد لا ظرفين واحد الهوت شوكلت والثاني قطع المارشملو ومررره انصحكم فيه تلاقو في مانويل الدانوب واتوقع كل السوبر ماركتس 

سعرو : ماعرف لانو مو انا دافعه حسابو:)

 ثاني شي السكن كير 

 مجرد صوره جماعيه 

 هذا كريم يد من جونسون مررره اعشقو انا قلتلكم عن النوع الثاني في تدوينة خمسه منتجات خلصتها  هنا

وقلت انو جلست ادور ع هذا ومالقيتو بس الحمدلله اخيرا خلاص لقيتو و ترطيبو جميل جدا واحلى مافي تتشربو البشره بسرعه ومايدبق 

سعرو : ماتذكر \:

 ثاني شي اللي هوا البيس كوت انا ناعرف ليش حطيتو في السكن كير بس حسيت انو هوا الشي الوحيد اللي يتعلق بالاظافر ، المهم مرره حلو من يوم ماشتريتو وسرت ماستغني عنو لمن احط المناكير انا اول لمن كنت احط الوان غامقه وقويه بعد مامسحها يبقي اثر اللون ماعرف كيف افهمكم انشاءالله فهمتو لكن ذحين لمن سرت استخدمو ماعاد سار باقي اي اثر ، بالنسبه للي ماتعرف البيس كوت هوا ينحط قبل المناكير عشان يحمي الظفر من المناكير و يخلي ينشف بسرعه

السعر : ترا هوا مايجي لحالو يجي معا توب كوت بس انا عادي عندي موب ضروري استخدمو لانو المناكير عندي ماتتقشر ولا شي ف اخذتو ٢٨

 مرطب شفايف مع اس بي اف ٣٠ 

مرره عجبني وقد ماقولكم قد ايش حلو ما اوفي بحقو مرره يرطب " وع فكره انا شفايفي دايم تكون جافه وقد ماستخدم مرطبات ماترطب ذاك الزود " هذا المرطب يعالج التشققات و يرطب الشفاه ممن قللللب وقد ماكل او اشرب مايروح الترطيب  لكن يخف و ثباتو مدري ماعرف اقولكم بس حتى اذا راح تحسي لسا في شي مرطب ع شفايفك  هذي تجربتي ويختلف من كل وحده لوحده ، حتى شوفو قد ايش بقى منو وترا هوا مررره كان مليان بس مع استخدامي اليومي الكثيير لو بقى مره شويا  ،

السعر : اتوقع ٩ سوري ماتذكر من فتره شاريتو 

، 

اوكي نبدأ بمفضلات الميك اب :

صوره للمنتجات كلها 

اول شي بتكلم عنو روج من ريميل رقمو ٧٠ لون مررره يبين طبيعي ومره جميل  و سرت كل يوم استخدمو 

واكثر شي استخدمتو ذا الشهر ، بالنسبه للسعر : فا انا اسفه مرره او مو مره بس ليا فتره من اشتريتو وناسيه سعرو 

مالقيت سواتش لنفس اللون فا انتو روحو وشوفو اللون ، تلاقو في سنتر بوينت او صيدلية بوتس 

فرشة الكابوكي من ذا بودي شوب معليش الصوره مغبشه مدري شفيها 

، مرره تعجبني في توزيع الباودر والبلشر وحاليا انا معتمدتها في الاستخدام اليوم للبلشر والباودر 

سعرها : في حدود الاربعين 

بلشر من ايلف يجي برونزر و بلشر بينك جاي ع البيبي بينك 

المهم انو مررره شي خيالي جمييل استخدامي لو يوميا انا ادمجهم مع بعض ويطلع اللون شي جميييل جدا ثباتو عالي بس اي بلشر كان نوعو ثبات عالي او متوسط او حتى مايثبت مع الوقت تدريجيا يبدا يخف  ، الماركه مو موجوده هنا تقدري تطلبيها من برا .

بودره برونزيه من ذا بودي شوب اللي عجبني فيها انو ماتبين كذا فجا وجهي غامق وجسمي فاتح بالعكس تعطي لوك برونزي مرره حلو ينفع للبنات البيض او حتي السمر والحلو كمان انو في اربعه درجات تشوفي الدرجه اللي تناسبك مافي لمعه ولاشيمر ولا شي مات ، انا درجتي ٣

سعرها : ٧٩

لب لاينر من ريميل لونو نيود مايل ع البنك شوي ومرره يبين طبيعي ماكاني حاطه شي انا احط مرطب واستنى دقايق وبعدين احطو ع كل فمي مرره يطلع شي جميل وينفع للصباح يدي لوك مطفي  رقم الدرجه ١٤ 

السعر : ١٩ 

وبس 

هذي كانت مفضلاتي لهذا الشهر انشاءالله يكون عجبكم البوست واي سؤآل اسئلوني في 

الاسك http://ask.fm/raneem372

التويتر : https://twitter.com/irjojoor

الفيس بوك : www.facebook.com/raneemRm

ولا تحرموني من تعليقاتكم وارائكم 

و مررره حكون مشكوره لكم اذا اشتركتو في البلوق  ، باي