العودة الى الدراسة / تسريح الشعر ♡

السلام وعليكم ،

رجعت لكم ببوست جديد وهو ضمن سلسلة العودة الى الدراسة . 

طيب نبدأ :

بالغالب انا ايام الدراسة والدوام أصحى الصباح متأخر فما يكون عندي وقت اسرح شعري وبما انو شعري 

مو ناعم جاف ، فبس اعمل ذيل حصان او كعكةومن قدام بما انو الشعر حيكون طاير فأستخدم سبراي واصلا انا الاسبراي استخدمه شبه يومي واوقات كل يوم فيعني اني استهلكه مره كثير ، واتوقع في كثير زي ، فحبيت البوست اليوم يكون عن انواع السبراي وايش الافضل  طبعا من تجاربي زي الريفيو تقريبا 

النوع الاول واللي اتوقع الاغلب يعرفه اللي هوا من لوريال ، النوع اللي عندي عادي 

الاسبراي بشكل عام جدا احبه وهذي ثاني مره اشتريه يثبت وريحته تروح ماتبقى عالشعر ثباته كويس بس اتوقع انو النوع الاقوى يثبت مره ووقت اطول ممكن ينفع للسهرات ، لكن انا استخدم هذا العادي في الصباح وفي الليل 

 ،

النوع الثاني من vo5 هالشركة ع ماظن انها بريطانيا والمنتج مستورد اشتريته من مانويل ،

المنتج مكتوب انه جل ع شكل سبراي وفي انواع اللي عندي اقوى شي بس مايجبس الشعر ابخه ع شعري و وبيدي احرك شعري عشان يتوزع السبراي قبل لا يجف ، ومكتوب انه يستخدم عالشعر المجفف يعني الجاف ، ريحته برضو ماتبقى بس احسها حلوه :) ، ويثبت لوقت مرره طويل .

واخر نوع سبراي من ماركة كازانوفا هذي شركة اتوقع انها سعودية ولانه الصناعة في السعودية

انا ماعرف الشركة لكن امي تقول انها شركة قديمة وكويسة ، وانا كنت ابغا سبراي فقلتها فجابتلي هذا ،

ماعرف اذا في اقوى من العادي بس اتوقع انو فيه ، وهو بزيت الارغان فيعني بيرطب الشعر ، ريحته عادي حلوة يعني زيت ارغان ، احسها شويه تثبت بالشعر وانا بصراحة مايعجبني انها تثبت بالشعر و السبراي مايثبت لوقت طويل بس ممكن ساعه اكثر شي وممكن اذا حابه يطول معاكي تزيدي ولا تخافي ماراح يجبس شعرك .

 بكذا انتهت تدوينة اليوم انشاءالله تكونه استفدتو
انتظروني في التدوينة القادمة بإذن الله 

اي سؤآل : http://ask.fm/raneem372

تويتر : https://twitter.com/irjojoor

العودة الى الدراسة / العناية بالأسنان ♡

السلام وعليكم ،

ورجعت لكم اليوم ببوست جديد وراح يكون ضمن سلسلة العودة للدراسة

، راح اعمل كم بوست مختلفين عن بعض  .

نبدأ

طبعا عنايتك بأسنانك شي ضروري اكيد عشان لانو لمن تكون نظيفة اكيد ماراح يجيها سوس او اي مشاكل في الاسنان او حتى اللثة ،واكيد العناية مو بس ايام الدراسة لا طول الوقت لكن انا حبيت اني اخليها من هاسلسلة 

راح اكتب عنايتي انا شخصيا بس طبعا شي راجعلك تختاري المنتجات ،

حابة انوه بشغلة * ما بأسوي اي دعاية للفرشة او حتى اي منتج لكن بأنصح بالأفضل طبعا عن طريق تجاربي * 

زي مانتو شايفين بالصورة اول شي بتكلم عنه فرشة الاسنان ، ع فكرة الفرش العادية ماتنظف كويس 

اما الفرشاة الكهربائية فهيا افضل سيبيكي من كلام الاعلانات وكل ماطلعت فرشة قالو هذه الاحسن واللي ينصح فيها اطباء الاسنان ، الفرشة من اورال ب اللي بالشحن

اول شي من ميز هذي الفرشة انها دائرية وتجي بتقويسة عشان تكون تقريبا ع شكل السن فتنظفة كويس

ثاني شي انها سريعة جدا فتنظف السن بطريقة افضل وانتي اساسا راح تمرريها ع كل سن يعني راح تنظفي كل سن لحاله 

ثالث شي انا فعلا لاحظت فرق اسناني سارت انظف وتلمع يعني لمعة طبيعية :)  ، راح تحسي انو من جد بتنظفلك .

طبعا الفرشة اللي تجي بالشحن اغلى من البطارية ، لكن الشحن تقعد معاكي فترة اطول بعكس البطارية اللي كل ماخلصت راح ترجعي تغيريها . وكل ثلاثة شهور تغيري الفرشة في اتوقع كم شكل للفرشة بس مادري اذا متوفره عندنا او لا ، اشتريتها من صيدلية النهدي وكان سعرها ب١٠٠ وشي . بس موشرط تتقيدي بنفس الشركة ممكن تاخذي غيرها واذا ماعرفتي اسئلي الصيدلي .

شوفو الفيديو عشان تعرفو طريقة استعمالها 

الفديو

.

ثاني شي غسول الفم  

هيا مهي شي ضروري لكن الافضل تستعملي لانو بتزيل رائحة الفم وبتنظف الفم والأسنان

وفي انواع كثيرة في للأسنان الحساسة وفي للي عندهم رائحة الفم وفي العادي 

انا اللي بأستخدمه وع فكره ترى مغلق بس قلت اصوره بعدين ارميه ، من افالون شركة طبية كويسة 

* الصوره من النت *

الغسول اخذته من صيدلية النهدي ٢٧ 

،

واخر شي خيط الأسنان في نفس النوع اللي فوق يجي جاهز 

وفيه الخيط اللي تقطعي برأي احسن 

، استخدامي له مو كل يوم يعني اذا اكلت شي دسم وفيلو مدغ كثير احس انو يدخل بين الاسنان فأستخدمه يعني تقريبا مرتين لثلاثه بالأسبوع ، فايدة الخيط بيشيل الوسخ اللي بيكون داخل الاسنان ، بس اتوقع عادي تستخدمي كل يوم 

. واخر شي اقول انتبهي لأسنانك ونظفيها كويس من دحين عشان لمن تكبري وتعجزي أسنانك ماتطيح لاسمح الله ، نصيحة .

وبس هذا كان بوست اليوم انشاءالله تكونه استفدتو  

.

للتواصل معاي 

تويتر : https://twitter.com/irjojoor

اي سؤال  : http://ask.fm/raneem372

واشتركو بالبلوق فضلا لا امرا 

دمتم بخير 

ريفيوز + مفضلاتي ❤

السلام وعليكم ، اعتذر عن التاخير بس كان لظروف .

ع اي حال بوست اليوم راح يكون زي ماهو باين في العنوان 

عباره عن ريفيو لمنتجات وهل حبيتها وعجبتني وناسبتني او لا وكمان بعض المفضلات للشهور اللي فاتت .

طيب بسم الله نبدأ :

العناية بالبشرة 

 اول شي من اليمين اتوقع محد مايعرفه وعنده زيه فكس بلس من ماك انا ماعرفت فين احطه مع الميك اب او العنايه لكن بما
اني اسمخدمه اوقات كتونر فقلت احطه بالعنايه ، جميل يرطب ، اذا حابين اعمل ريفيو عنه وطرق استخدامها اكتبولي في الكومنتس .

غسول الوجه من كلين اند كلير وهو عبارة عن غسول رغوي يطلع رغوة ، انا بالعادة اضغط ضغطتين عشان يكفي ، حبيت تنظيفه وماينشف او يجفف البشرة بما انو بشرتي مختلطة دهنية بس ماحسيته مره ينظف وما حرجع اشتريه .

العناية بالشعر 

اول شي من اليمين شامبو من فورميرلي أُورقنتس ، اسمه ماكديميا اويل او زيت الماكديميا ، مكتوب عليه انو مزيج من زيت الماكديميا و مستخلص البامبو الاستوائي ويمنح الشعر ترطيب مذهل ونعومة ، ماحسيته نعم شعري ( شعري جاف ومموج ) بالعكس كنت احس يجفف شعري زيادة ، بس اكيد انو مو اي شي ماناسبني معناته ماراح يناسبك و العكس .

ثاني كريم بالمرز للشعر مكتوب انو ( يحتوي ع فيتامين ه و زيت الجوجوبا ، وانو يصفف الشعر ويتحكم فيه وما يقسي الشعر و لا يترك فيه رواسب ) الكريم جدا ثقيل ومامزح بثقيل فعلا ثقيل يمكن زي الفازلين او اثقل يدبق شويه في اليد لكن
مايمنع انو المنتج مره عجبني صحيح ثقيل ويدبق شي مره يستفزني ، وفعلا احسه يتحكم في شعري وتنعم الشعره شويه
ماقسى الشعر سهل تسريحه شويه ، ريحنه جميلة زي البودرة ومعاها ريحه غريبة بس حلوه ، طريقة استخدامي له بعد ماخذ شاور وشعري نصف مبلل اخذ شويه مررره لا تكثري و لا شعرك بيدهن حتى اذا كان جاف ، احطه ع راحة يدي وابدا احطه ع شعري بدون الجذور بس من قدام الشعر الصغير الملفلف احط عليه وامشطه بفرشة اللي هيا حقت التسريح وبس منجد تملس اللفلفلات بس طبعا مو علي طول ، وبس

ثالث شي زيت من باراشوت يحتوي ع اربعة انواع من الزيوت اللي هيا ( زيت الزيتون وزيت السمسم و زيت اللوز وزيت جوز الهند ) ف جدا موفرة ع اني اشتري الاربعة زيوت كلها لحالها ، وطريقة استخدامي له احطه ع كل شعري من الجذور الى الاطراف واخلي نص ساعه او اكثر واغسله عادي ، ليا فتره باستخدم تقريبا مرتين بالاسبوع وفعلا لاحظت شعري خفت النفشة ترا مرره شوي خفت ، لانو اصلا الزيت مفعوله مايبان ع طول ياخذ وقت طويل عشان يبان .

واخر شي بلسم للشعر من صانسيلك من مجموعة تساقط الشعر ، البلسم ماعمل شي بس اني رطب شعري وكمان مو ذاك الترطيب الواو .

المكياج 

اول شي من اليمين بودرة برونزية من نمبر ٧ اسم الدرجة هوني ، حلو اذا كنت بستخدمه كبودرة لكل وجهي لانو اشوف اللون جدا خفيف فيعطي لوك برونزي خفيف لوجهي ومايبين مره شي غامق .

اللي جمبه روجين من ريفلون اللب بتر ، هذي المجموعة جدا حابتها وطايحها بغرامها منجد ترطب واللون قوي واذا راح اللون الترطيب مايروح ، الدرجة الاولى من اليمين بيري سموذي ، لونه بينك ع موف جدا جميل يمكن وصفي يكون غلط شويه لانو اللون غريب فا انتو روحو وشوفو ، واللون الثاني كب كيك ، لونه بينك فاتح فيلو موف شويه .

اللي جمبهم مرطب بيبي ليبس من ميبيلين اسم الدرجة تشيري ، عجبني اللون و الترطيب جدا خفيف .

رابع شي جمبه بودرة برونزية من ذا بودي شوب جدا جميلة وسبق اتكلمت عنها في مفضلاتي مفضلات سبتمبر .

خامس شي من تحت اليمين بلشر من اتش اند ام برضو سبق اتكلمت عنه في  مفضلات 2013

اسم الدرجة دازلينج بيتش .

سادس شي لوس باودر من بنفت زيرو شاين جدا عجبتني وتناسب اكيد البشره المختلطة والدهنية .

سابع شي  البرونز الكريمي من شانيل من جد جدا رائعه بس مشكلته شوي ثقيل بس طبعا في نظري كذا انتي جربي وشوفي قوامه ، بس عموما البرونزر جدا عجبني وناسبني ومايبين مرره شي غامق واستخدمته كمان في مكياج العيد 

، وفيله كمية كبيرة يعني ماتوقع ممكن يغلق معاكي في فتره قصيره لانو اساسا شويه منه تكفي الوجه كله .

الشمعه 

جدا جميله بصراحة ماعرفت الاسم لكن هيا ريحة خشب المكتوب يعني ، ولكن انا اشوف انها ريحة عطرية من حلوة مع الخشب بس العطر طاغي علي احسها ريحه مرره مريحة مادري تريح نفسيا وجسديا .

وبس كذا خلصت بوست اليوم انشاءالله تكونو استفدتو ولو شويه 

اتواصلو معي ع تويتر : https://twitter.com/irjojoorh

اي سؤآل في الاسك : http://ask.fm/raneem372

ريفيو : lip gloss من سيقما

السلام و عليكم ،

طيب مني حابة اطول بالحكي وادخل في الموضوع .

بوست اليوم راح يكون ريفيو عن قلوسات من سيقما جربتها ورأي فيها 

.

طيب بسم الله نبدأ :

عندي ثلاثة الوان ما اشتريتهم بوقت واحد، ماعرف ليش ماصورت اسمائهم بس الحمدلله لقيت وقت اكتب فيه بوست .

اول واحد من فوق اسمه ترانكل لونه اقدر اقول موف ع بينك فيلو شويه بني 

لونه جميل لكن مافي اي تغطية لون خفيف جدا زي اي قلوس مايدبق بس شويه مررره ، انا عن نفسي عادي اصلا ماحس انها تدبيقة لونه حلو ممكن تحطي قبله محدد شفايف ع كل شفايفك لون موف ع بينك او حتى فوشي وراح يطلع بططل

اللون الثاني اسمه تينت لونه تحسين بلون الورد وفيلو بمبي ينفع فوق الالوان المات ممكن الاحمر 

ثالث لون اسمه هينت لونه بيج وفيلو بمبي تقريبا او اتوقع انو نود احس ينفع فوق روج بينك او اورنج او حتي نوود بيطلع شي وكمان احسها حلوه مع سموكي اسود تحددي شفايفك بلون بيج او بينك وفوقه القلووس 

ـــــــــــــــــــــــــــــ

بشكل عام القلوسات عادية زي اي قلوس خفيف اللون و بس قوامه شوي ثقيل وراح تحسين انك حاطه قلوس 

ومافي ثبات غير اذا ما اكلتي نص ساعه واذا كثرت ساعه ، الالوان جميلة تنفع تحطيها ع اي روج بالذات اخر واحد اللي هوا هينت اذا حطيتي ع لون بمبي او موف تراا بيطلع شي جميل  ، وكمان الشي الحلو فيها انو حجمها صغير فسهل انك تحطيها بالشنطة وكمان تنقفل كويس يعني ماراح تحوسلك شنطة الميك اب طبعا اذا انتي قفلتي كويس ،

ممكن تحطيها لحالها اذا مافي تصبغات او عدم توحد لون في شفايفك ، ريحتها جددا جميله وطعمها كماان << ترا ماذوقها بس تدخل بفمي بالغلط والله :) هههههه منجدي ترا 

المهم  اذ انتي من النوع اللي مايحب القلوسات اللي تحسي انك حاطه شي ع شفايفك فماراح يناسبك 

واذا انتي تحبين القلوسات بشكل عام فبيعجبك 

ترا مهي شي واو وفي افضل منها لكن برضو خيار جمييل كقلوس 

و ترا في الوان كثير غيره بموقعهم انا اخذتها من متجر فانيلا

امممم وبس انتهى البوست اي سؤآل اسئلوني في الاسك : http://ask.fm/raneem372

تابعوني بتويتر : https://twitter.com/irjojoor

لايك للصفحة فيسبوك : www.facebook.com/raneemRm

وفضلا ليس امرا اشتركو بالبلوق و بلوق فاين عشان تشوفه كل جديدي 

 معسلامة :)

ريفيو : مجموعة من المنتجات

السلام وعليكم ،

بوست اليوم راح يكون  ريفيو لمنتجات ليا فترة بأستخدمها وراح اكتب عنها 

العناية بالبشرة

اول شي من اليمين  لصقات لإزالة الرؤوس السوداء من نيفيا جدا حبيتها حسيتها تنظف وتشيل الخلايا الميتة
واستخدامها سهل مكتوب ع العلبة من ورا في لصقات للذقن والانف و الجبهة وسعرها رخيص بس صراحة ماتذكر .

ثاني شي واقي الشمس نيتروجينا 30 spf الواقي جدا جميل مايدهن البشرة وتمصو البشرة بسرعة وما يترك طبقة بيضا

وسعره اتوقع ٤٧ .

ثالث شي مرطب الشفايف بالتوت البري من بودي شوب جدا ترطيبو جميل وريحته وطعمو شي رائع بس المشكلة احسو يترك طبقة بيضا مو مره بس يعني  ، سعره ٣٢ .

رابع شي كريم العيون بالفيتامين e من بودي شوب ترطيبو جميل لكن في اللي احسن منو والحلو انو البشرة تمتصو بسرعة  بس حاليا انا ما بأستخدمو لانو بحسسلي المنطقة عشان بأخذ حبوب الروكتان ومعروف حبوب الروكتان تخلي البشره حساسه وجدا كمان ، سعره ٦٥ .

خامس شي مزيل مكياج العيون من سيفورا وتربروف  كان عندي الحجم الصغير قبل بس مو وتربورف  العادي وماحسيتو ينظف بقوة بس سمعت عن الوتربروف انو شي جميل ويمسح كل شي وفعلا طلع شي جميل ويمسح المكياج الوتربروف بس ماحسو لطيف ع العين يعني اتوقع في مزيلات الطف صح؟ او يمكن بسبب دوا الروكتان ، بس جميل وعجبني وطريقته تجيبي قطنة وتحطي فيها من المزيل وتحطي اقطنة ع عينك دقيقه او اقل وبعدين امسحي بشويش حتلاقي المكياج خرج

سعره يا ٣١ او ٣٩ .

نجي للعناية بالجسم 

اول شي من اليمين كريم بزبدة الشيا جدا جميل ترطيبو غير الريييحه مرررره حلوه مرره انصحكم فيه منجد يعني 

ولا تنسي انو اي شي يناسبني ممكن مايناسبك والعكس ، سعره ماعرف لانو انا اخذته من ماما $:

ثاني شي كريم الجسم بالمسك من فازلين ريحتو جدا جميلة وترطيبه متوسط لخفيف وتمتصه البشره بسرعة و ترطيبه مايدوم لفتره طويله 

ثالث شي بايو اويل ومين مايعرفو ترطيب بدون مايدهن استخدمو للاماكن الجافه زي الركب والاكواع و كمان للاماكن الغاقه اذا حابه توحدي اللون ، كمان استخدمتو ع اثر حرق والله يابنات انو راح الاثر بس طبعا تداومي ع استخدامو والنتيجه ماراح تبان في يوم وليلة غير كذا ريحتو حلوة ، سعره اتوقع ٣١

العناية باليد 

اول واحد من اليمين كريم لليد بالكرز الياباني من بودي شوب الريحه خيياااال بس الترطيب مرره سئ تطريبه خفيف 

سعره ٢٥

ثاني شي كريم للجسم واليد برائحة الخوخ من باث اند بودي جبتو في مشترياتي هنا ، الكريم جدا جميل ترطيبه متوسط الى عالي ومرره يرطب اليد والاظافر كمان جربته ع الكوع جميل بس احسه ينفع لليد و الجسم اللي مو مره تعاني من الجفاف بس انتي يعني جربي اذا بشرتك جافه مو شرط تتقيدي بكلامي يمكن يناسبك ،

ومكتوب انو يحتوي ع سبعة انواع من الاشياء المعروف انها ترطب اللي هيا ( زبدة الشيا و زبدة الكاكو و زبدة الافوكادو و زيت الجوجوبا و زيت جوز الهند و زيت اللوز وزيت دوار الشمس ) .

ثالث شي كريم لليد من ماركس وسبنسر اشتريته مررره من زمان وخليته للشنطة بس ماخلص ع كثر ماستخدمه 

ترطيبو عالي لليد وكمان يرطب الاظافر وهوا بزبدة الكاكو ، سعره اتوقع ١٥ ترى ماتذكر لانو من زمان اشتريتو 

كاث كيدستون 

مجموعة كاث كيدستون للجسم تحتوي ع شور جل ولوشن للجسم بثلاثه روائح مختلفة يعني شور جل ولوشن بريحة اللي في الصوره خمسه بس في واح شور جل استخدمتو وخلص وريمته الشور جل مرره ماحسه ينظف ولا شي يعني بس ريحه اما اللون اللوشن فجدا جميل ترطيبو متوسط استخدمتو ليدي وعجبني ، المجموعة كلها تجي في شنطة بلاستك نسيت اصورها ، اشتريت المجموعه ب٩٠ سعره جدا كويس ، ااشتريت المجموعه من و محل اسمو فلورنس اليس في ردسي عند خان خليله ، المحل جدا جميل وانصحكم تروحه ( ترا مابعمل دعايه مجرد انو المحل عجبني )

واخيرا المكياج 

اول شي من اليمين اي لاينر من ذا فيس شوب ، الفرشه حلوه بس ماعجبني ابدا الايلاينر اول شي تقتدري تمسحي بالمويه

ثاني شي حطيتو مرره وجلست تقريبا من سبعه لسته ساعات طليت في المرايا لقيت سواده مررره خف بشكل بشكل عام مانصحكم في ابد ، سعره ٨٥ .

ثاني شي برايمر من ذا بودي شوب للبشرة الدهنية و المختلطة يعطي فينيشينق مات نفس البورفيشنال من بنفت بالضبط ماحسيت انو في فرق بس اللهم انو هذا ارخص ، ملمسه تحسي زي السيلكون ، قريب راح اعمل مقارنة بينه وبين البورفيشنال لاني انا صراحه عاجبني البورفيشنال اكثر .

ثالث شي بي بي مريم بيج ايزي من بنفت  هذا عينه و عجبني مررره و يناسب البشرة الدهنية والمختطلة 

لمن تحطي يتحول كذا لبادور يعني مرره ماحتجت احط بودره جلست يمكن اربعه ساعات بشرتي مادهنت ابدا وزي ماهوا البيبي ماختفا ولا شي بس الدرجه افتح مني بدرجه وحده بس ماسبب مشكله مرره عادي وانشاءالله نوايه اشتري .

وبس هذا كان بوست اليوم زي ماوعدتكم امس . 

اسئلوني :http://ask.fm/raneem372

لايك للصفحة في فيس بوك : www.facebook.com/raneemRm
تابعوني ع تويتر : https://twitter.com/irjojoor

وتابعوني عالمدونه


 دمتم سعداء 

عنايتي بأظافري في رمضان ♡

السلام وعليكم ،

شايفين ماتاخرت كثير بالبوست زي زمان وفي بوست انشاءالله بكره ينتظركم :) .ومبارك عليكم قدوم الشهر الفضيل.

بوست اليوم راح يكون عن عنايتي بأظافري في رمضان لاني حابه اقويها واخليها تطول بشكل اسرع عن 

طريق تغذية الاظافر ولاني حابة اعمل ع اخر رمضان بديكير ومنكير في صالون ميزون جويل وراح اكتب تجربتي بإذن الله، واصلا انا مني حابة ابرد اظافري وهيا ضعيفة لانها ممكن تتكسر بسرعة وكمان مدري بس اصلا غلط انك تبردي اظافرك وتشيلي الجلد الميت وهيا ضعيفة

.

طيب نبدأ :

اول شي من اليمين زيت الاظافر بزيت دوار الشمس اصلا شوفو في حبيبات دوار الشمس صغيره وهذا شي حمسني له كمان ، هوا بس زيت لتغذية الاظافر وطبعا لمن تغذي الاظافر راح تقوى وتطول بس لا يروح بالك انها تطول بشكل مرره كبير لا يعني احس تطول بشكل اسرع في مده اقصر  وطبعا هذا لانها اتغذت.

استخدامي مرتين في اليوم مره في العصر او قبل العصر ومره قبل النوم .

طريقته تحطي قطره ع كل ظفر بس مرره شويه لا تكثري لانو حيصير مره كثير وماحيمتصه الظفر بسرعة 

وبعد كذا دلكي كل ظفر لمده دقيقة وبعدين لا تغسلي يدك ع طول اقعدي عشره دقائق تقريبا وبعدين عادي غسلي او خلي 

اللي يريحك .

بالنسبة للنتيجة فأنا حسيت اظافري قويت وطولت  وانا تقريبا ليا اسبوع او اقل بأستخدمه .

اللي حابة تعرف من فين وسعره كتبت بوست مشترياتي هنا

ثاني شي حبيب الكل فازلين بزبدة الكاكو انا يعجبني اللي بالزبدة مادري الثاني العادي ماحبيته 

طبعا هوا استخداماتو كثيرة لكن انا بكتب ايش استخدم فيه لاظافري لانو هذا هوا البوست .

استخدامي له ادهن حوالين اظافري قبل النوم لانو مرره ثقيل ويطفش ، اذا حابة ممكن تستخدمي مرتين .

تجربتي معه انا عندي جلد مقطع او نادر << اتمنى فهمتوني  وكمان جرح  حوالين الظفر فمرره راح يعجبك لمن تستخدمي الفازلين يلئم الجروح وينعم الجلد ويخلي طري ، حتى اذا كنتي حابه تشيلي جلد ميت حطي حوالين اظافر وع الجلد الميت واستني ربع ساعه ثلث ساعه وبعدين راح يسهل عليكي تشيلي الجلد الميت .

وبس هذا كان بوست اليوم انشاءالله استفدتو واذا شويه ، واكتبولي تحت في الكومنت اذا في بوست معين تبغوني اعملو 

للتواصل معايا 

اسئلوني : 

http://ask.fm/raneem372

لايك للصفحة في فيس بوك :

www.facebook.com/raneemRm
تابعوني في تويتر :
https://twitter.com/irjojoor


معسلامة

مشترياتي من سيفورا - وجوه .....وغيره ❣

السلام وعليكم ، كيفكم شخباركم انشاءالله تمام .

 " اول شي كل عام وانتو بخير و الله يبلغنا رمضان واحنا طيبين وبصحة وعافية يارب   "

تدوينة اليوم راح تكون مشترياتي من كذا محل طبعا كلها مشتروات جمالية ، وهذا اول بوست ليا اكتب عن مشترياتي جماليه زي الميك اب ، انا كتبت قبل تدوينة للمشتريات السنه اللي فاتت اللي مشترياتي من باث اند بودي .

ماحب اكتب كثير عن المشتريات اللي اذا حسيت انها تستاهل يعني مو شي شيئين احس ماتستاهل تدوينه .

طيب وقبل لا ابدأ احب اقول التدوينه مو عاملتها عشان تفاخر ولا شي انما مجرد اني بعرض مشترياتي للافاده 

واذا اي احد حاب يشتري المهم هوا اتمنى فهمتو :) << الافاده مالها دخل صح ماعليه معرفت اشرح ههههه 

طيب نبدأ : 

اول شي من ذا فيس شوب  

( المنتجات لها ريفيو قريب انشاءالله ) 

اخذت اي لاينر قلم ( قريب بسوي ريفيو عنه انشاءالله )
السعر : ٨٥

وبلشر
السعر : ٣٠

صبانوه للوجه وممكن تستخدم للجسم بالرز وطبعا معروف الرز وفوائدو للبشره
السعر : ٢٠

زيت للأظافر بزيت دوار الشمس لتقوية وتطويل الاظافر
السعر : ٣٥



وجوه

البرونز الكريمي من شانيل اللي اشتهر مره كثير ، ماعرف كيف اصور وبما انو بصور باجوال فماحينفع اصور الكلام لانو حيجي مشوش ومو صافي فصورت من فوق .
السعر : ٢٢٠


من انجلوت

باليت لدمج الالوان وكمان للفاونديشن بدل ماتحطي ع يدك وتتوصخي
السعر : ٢٠


من سيفورا

اخذت ثلاثه مناكيرات من او ب ل ، الاول من اليسار لونو اغمق شويا بس بالصوره باين فاتح هوا لونو بيج اندرتون حقو بنك
ثاني لون احمر زي ماهو باين وثالث لون بنك زي حق باربي واخر واحد من سيفورا لونو اخضر فاتح وتحسي كنه فاقع جدا جميل ،
ارقامهم من اليسار : l69-ثالث واحد البينك مو باين الرقم حقو  - nl a15-nl a16
السعر : سيفورا اتوقع ٣٥ ، او ب ل  ٥٥

اخذت كمان بودره زيرو شاين  و البورفيشينال الحجم الكبير وهذا الحجم لميتد اديشن يعني اذا حابه تلاقي بس في سيفورا ريدسي وانا مادري اذا الان خلص ولا موجود لكن روحي وشوفي وترا بس فرق السعر بينو وبين الحجم العادي ٢٠ ريال يعني توفير
السعر : البودره ١٥٣ و البورفيشنال ١٩٠

اخذت مزيل مكياج العيون من سيفورا  وتربروف الحجم الكبير ، كان عندي قبل نفسو لكن الحجم الصغير وعادي مو وتربروف لكن ماحبيتو فاخذت الوتربروف ، و اللي يزيل الزوائد لمن تحطي مناكير والحلو فيه انو لمن الالاسفنجه ولا الفرشه اللي هوا لمن خلاص تخرب في من تحت غيرها شي جمييل
السعر : المزيل للعيون اتوقع ٣١ و الثاني اتوقع ٤٩

ولمن تشترو سواء من بنفت او اي شركة ثانيه لمن تروحو للكاشير وتحاسبو قولو  نبغا هدايا او عينات  او اي شي زي كذا ، لانو كمان يعني لمن تشتري بمبلغ وقدره المفروض يعطوكم بدون لا تطلبو ، فيعطوكم عينات زي اللي في الصوره اتمنى فهمتو عليا طبعا هوا مهو شي يعني لازم بس كمان مره يفيد في السفر زي البورفيشنال حيوفر مساحة وغير كذا مليان يعني اتوقع ممكن يكفيكي اسبوع او اقل ع حسب استعمالك له :) .


باث اند بودي

زبدة جسم بالشيا صراحة مدي ايش الكولكشن لكن نفس الصوره ريحتو جميييله جدا انا بالعاده الروائح اللي عند باث ان بودي ماتعجبني يعني مو كلها بس مرره صعب الاقي ذوقي في الروائح مو كل شي يعجبني << ماكأني طولتها وهي قصيره 

السعر : كانت ع مااعتقد ٦٠ وبعد التخفيض ٣٥

هذا احلى كريم اشتريتو الا انو عصار الا انو مره يرطب  واللي خلاني اشتري فيلو سبعه انوع من الزيوت انشاءالله اسوي ريفيو قريب عنو 

السعر : اعتقد ٢٥

، كمان من باث اند بودي اخذت شاور جل ب ٥٠ بعدين راح اكتب عنو انشاءالله
واخذت صابون لليد اسمو توايلايت وودس ب٢٥
بس نسيت اصورهم .


وبس هذي كان مشترياتي


اسئلوني هنا : http://ask.fm/raneem372
تابعوني ع تويتر : https://twitter.com/irjojoor
لايك للصفحتي في فيسبوك : www.facebook.com/raneemRm

واكتبولي في الكومنتس ايش حابين بوست

معسلامة :)

ريفيو :كونسلر من سوب اند قلوري

السلام وعليكم ،

طيب...كبداية احب اقول أي نو انا قلت قبل الاختبارات ابغا انزل كم بوست لكن صراحة اتكاسلت 

وانا احاول اني انتظم بتنزيل التدوينات ع طول ، وانا فعلا شايفة انو انا مره قصرت مع المدونة ، وراح احول انزل بانتظام اقلها كل اسبوع بوست ، وكمان اجازه يعني عندي وقت كاف انزل في ومافي شي يشغلني ،اعذروني رجاءً .

ومبروووووك الاجازه << بدري   :) .

تدوينة اليوم حتكون ريفيو لمنتج من الميك اب من سوب اند قلوري اللي هوا كونسلر تريك اند تريتمنت .

نبدأ :

هذا هوا انشاءالله تكون الصوره واضحة 

زي ما قلت اسمو تريك اند تريتمنت

ايجابياتو :

، من ناحية الحجم والشكل  فحجمو صغير مو مره بس كويس و شكلو حلو

تغطيتو متوسطة 

يناسب البشرة الدهنية والمختلطة

يندمج بسرعة

ثباتو ممتاز

،

اما سلبياتو :

اول شي انا حسيت انو إضاءة مو كونسلر وفيلو شيمر شويه يبين زي إضاءة بس ع خفيف مرا ، لمن تشتريه ماحيبين انو كذا لكن لمن تجربي وتجي في الضوء راح تلاحظي لكن فالاستعمال حيبين زي الاضاءة ( لاحظو زي الإضاءة موب إضاءة ) بإمكانك تستعملي عشان تخفي بي لكن بعدو تستخدمي بودره عشان تثبتي وتخفي الشيمر الخفيف اللي في ، هوا مكتوب انو للاندر ايز  يعني لتحت العين ، وانو يغطي الهالات و يفتح المنطقة ماراح يناسب كأنك حاطه إضاءة تحت عينك ، واذا هالاتك غامقة جدا ماراح يناسبك ابدا ، ولتحت عينك ماينفع بس ممكن تستخدمي كاإضاءة او هاي لايت


ثاني شي  الدرجة جدا فاتحة ومافي غير هذي الدرجة يعني ينفع للي مرره بيض لانو انا بيضا مو قمحية ولا سمرا وطلع فاتح عليا ، في اربع درجات منو ع ما اظن لكن مو عندنا برا اللي متوفر عندنا درجة فاتحة


ينشف بسرعة يبغالك تدمجي ع طول
ـــــــــــــــــــــــــــــــــــــــــــــــــــــــــــ

إستخدامي له :


أستخدمو كهاي لايت و كمان إضاءة ، احس انو مشابه لماري لو لمنايزر من ذا بالم ، كمان ممكن تستعملي كبيس للاي شدو انا ماجربت لكن بجرب انشاءالله
، استخدمو بفرشاه من f70 sigma

بس اوزع بيها مادمج ، الدمج استخدم بلندنج برش فرشة الدمج  برضو من سيقما f50


النهاية بقول
 اذا اشتريتي وبفكرك انك تخفي هالات غامقة فماراح يناسبك .
اما اذا اشتريتي وبفبالك انك تستخدمي كإضاءة او هاي لايت او كمان بيس للاي شدو فكذا تمام بإمكانك تشتري .
في الأخير شي راجعلك :)



بس انشاءالله تكونو أستفدتو واللي جربتو تمتبلي في التعليقات تجربتها .



مواقع تتواصلي معاي فيها

أسئليني "  http://ask.fm/raneem372

تويتر " https://twitter.com/irjojoor

       فيسبوك " www.facebook.com/raneemRm

مع السلامة ، دمتم بخير يارب :)

تحدي ١٠٠ كتاب ~ الجزء الاول

السلام وعليكم ، ورجعت لكم اليوم ببوست جديد أدري اني مقصره كثير بالمدونه 

و أقدم لكم إعتذاري لكن جد جد الفترة اللي راح خططت لكم بوست وماهو عذر ادري :( ، واحب اقولكم عشان تعرفو ماحب اكتب مدونه وانا مالي نفس لمجرد اني خططت للمدونه لكن احب اكتبها بنفس :) ياليت تفهموني ،

وبما انو الاختبارات خلاص على وشك تبدأ فقررت انو هذا الاسبوع انزل تدوينات لانو بعدين راح انشغل كثير بسبب الاختبارات .

تدوينه اليوم راح تكون عن تحدي مية كتاب انا قراتو من مدونة الجميلة بيان been's blog , افتحو الرابط وراح تعرفو ايش القصة بالضبط ،

 و القصة باختصار شافت هاشتاق في تويتر عن تحدي ١٠٠ كتاب وققرت تخوض التحدي ، وانا عجبني التحدي فقررت اني كمان اعملو ، فخبررتها انو نتحدا بعض انا وياها ونشوف مين يخلص ال١٠٠ كتاب في سنه ٢٠١٤ او حتي اللي تقرء اكبر عدد من الكتب اكثر من الثانيه ، وقلنا نتكلم عن التحدي عشان الكل يتحمس معانو وتشاركونا التحدي :).

فهذي التودينه راح  اسوي ريفيو لجميع الكتب اللى حتى الان قراتها .

نبدأ :

بس قبل لا ابدا بقول لكم انا احب اقرء اكثر شي الروايات البوليسية و الجرائم و كمان الخيالي بس عادي عندي اقرء غير كذا بس هذا انواعي المفضلة :)

سويت ريفيو مفصل عن هذا الكتاب  هنا

تقيمي له اعطيه : ٥/٣

جزيرةالرعب من احلى الروايات اللي قرأتها هيا روايه خياليه 

بس جميله بشكل ، تحسسك بكل الكلام اللي مكتوب وتتخيلي كل شي ،

القصة بشكل مختصر عباره عن ولد لقى بيضة لطائر وتبدأ تتسرد احداث القصة 

من جرير ماتذكر سعرها في في الاربعينات اذا ماكنت غلطانه  

اعطيه ٥/٥ فعلا جدا نال اعجابي الكتاب .

الجزيرة المظلمة في بداية الروايه مليت شوي و لكن على نص الروايه ومابعد بدأت الرواية تحمسني اكثر لقرائتها 

عجبني الكتاب لكن مو مره الروايه اقدر اقول انها اكشن  ، وعلى فكره تراه كمان فيلم ! :) يعني ممكن تشوفي الفيلم اذا ماتبي تقرئي 

انا ماشفت الفيلم بس متحمستلو ،

من جرير برضو في الاربعين بس مو فاكره :(

اعطيلو ٥/٣

لغز الكاريبي من اجاثا كريستي ، من اسمها لغز وهيا روايه جريمه ويتبعها تحقيق اصلا كل كتابات اجاثا من النوع الجريمي ، والكتاب عباره عن قصص وجريمه وزي ماقلت يتبعها تحقيق

، لمن وصلت لنص الكتاب طفشت ولمن قربت اخلص الكتاب قلت بيجي الفرج ويمكن في اشياء

تحمس عالنهايه بس للاسف بالنبسه ليا ماعجبني الكتاب ذاك الزود ، من جرير ب٢٠ 

اعطلو ٥/٢

جثة في المكتبة برضو من اجاثا كريستي ، احلى من لغز الكاريبي بمليون مره 

، القصة بنت يلاقوها مقتوله في مكتبة في بيت عائلة و يبدأ التحقيق ،

عجبني الكتاب لكن شويه مليت مابين البدايه ونص الكتاب ، من جرير ب٢٠

اعطيلو ٥/٣

رواية حوجن اللي صار عليها ضجة مرره كبيره اللي يقرء واللي مايقرء صار يقرئوها،

الكتاب قصتو عن جن القصة ماتخوف ابدا ،  وطلعت كثير اشاعات عن الكتاب ماني حابه اذكرها ، لكن انا قرئت للكاتب ابراهيم عباس 

قال انو كل الكلام اشاعات وانا غرضي ابين لكم انو الجن ( اعوذ بالله من الشيطان الرجيم ) لهم حياة زي مالنا احنا حياة وياكلو ويشروب ولهم احاسيس مثلنا بالضبط ، عجبني الكتاب ، من جرير ب٤٥

تقيمي له ٥/٤

عائشة تنزل الى العالم السفلي برضو صار عليه ضجة ، وانا كل ماروح جرير ابغا اشتري الى يطلع مخلص 

، المهم قصتو انو بنت متزوجه وكان عندها ولد ومات وتقعد مكتئبة ويكون عندها سبعه ايام اخيره تكتب فيها كل شي في نفسها ، عجبني الكتاب والقصة حزينه وكئيبة الى اني اندمجت كثير مع الكتاب  ، من جرير اتوقع ٢٦

اعطيه ٥/٤

 مذكرات طالب ، كمان بالاساس هوا فيلم وصار يتسلسل لكتب وفي منو كثير اجزاء للكتاب يعني كل كتاب قصة وفي عربي وانجليزي

، ممتع الكتاب عجبني ، سعرو ماتذكر صراحه

اسمو الطفل الجبان ، حلو الكتاب و بالانجليزي

، من جرير ب٣٦

اعطيه ٥/٤

كتاب سحر القيادة من ابراهيم الفقى ، حلو الكتاب وممكن كمان تتعرفي كيف تتعاملي مع الشخصيات 

، واتوقع من اسمو بينفهم ايش ممكن يكون محتوى ،كمان راح يفيد المدراء والرئساء :) في النهايه هوا شي اختياري اذا حابه تشتري او لا ، من جرير ب ١٠ اتوقع 

تقيمي لو ٥/٣

وبس هذه كانت كل الكتب اللي قرئتها في الشهرين اللي فاتت ولازال في كتب مازلت بقرئها وانشاءالله شهرين وراح اكتب عن الكتب اللي قرأتها خلالها .

انشاءالله تكونو استفدتو من التدوينه ، واي كتاب قرأتو اكتبولي تحت ، بوست في بالك اكتبولي ، اقتراح اتحفوني :)

دمتم بسعاده والقاكم في بوست ثاني .

سر النجاح ليس سرا ... ♥♡

السلام وعليكم ،

ادري حييييل طولت عليكم بس معليه اعذروني شاحن الاب حقي خرب وصارت حوسه وكذا ،

وبما انو هذا الاسبوع اجازه فححاول انزل من بوستين الى ثلاثه  ،

 طيب هذا البوست انا كنت مقرره اني اسوي من شهر او ممكن اقل ، بس الله ماأراد ،

طيب انا قبل وخيرتكم حابين ايش قلتو كتاب ، وفكرت وحبيت فكره انو كل شهرين ثلاثه اكتب عن كتاب وحاليا حيكون ريفيو عن كتاب واحد ،

طيب نبدأ :

ادري كثير يتمللو من قراءة الكتب ومايحبوها ، ماسئلتي نفسك يوم كل المشاهير والناجحين والمخترعين في حياتهم ايش كانو يعملو اغلبهم او تقريبا كلهم ألفو كتب مع انو مجالهم مو كتابه لكن ألفو خلو الناس يقرئو من ثقافتهم والناس بتقرأ وتتثقف ،

هذا الشي اللي ابي اوصله الثقافه من القراءة ، انتي تقرئي عشان نفسك عشان تفيدي نفسك او حتى عشان رفاهية يعني مو بس عشان ثقافه لكن اليوم كتاب يجمع مابين الثقافه و الاراده والوصول لهدف وكمان للرفاهيه ، وانا شخصيا مرره اتمتع بقرائته ، اللي هوا كتاب ( سر النجاح ليس سرا ) انا ماقرئتو كلو لكن فكرتو واضحه ،

يتكلم عن كل الناجحين من اوبرا، وشكولاتة هيرشي وغيرهم كثيير ويحكيلك عن حياتهم كيف نجحو ،من بداية فشلهم لناجحهم ،

 مؤلف الكتاب ( دارسى أندريس ) اصلا الكتاب اجنبي بالانجليزي لكن هذا مترجم للعربي 

الكتاب من جرير ب٤٥ ، ومره انصحكم تقرئو جدا راح يعجبكم يعني فعلا القصص تحمسك وتشجعك انك تثابري وتكملي مهما فشلتي عشان تحققي حلمك او هدفك :) 

، عن قريب انشاءالله راح اعمل تدوينه راح اتكلم فيها معاكم :) 

، 

اشتركي في بلوقي فضلا ليس امرا 

تويتر /https://twitter.com/irjojoor

 فيسبوك/www.facebook.com/raneemRm

مفضلات 2013 =)))

السلام وعليكم ، كيفكم شخباركم ، انشاءالله تمام

اليوم البوست عن مفضلاتي لعام ٢٠١٣ 

من البيوتي  ، ولكن ماراح اسوي اي ريفيو مجرد اني اكتبهم 

لان المنتجات كثيره مشاءالله

اوكي نبدأ :

اول شي العنايه ،

* اول شي من اليمين غسول للمنطقة الحساسه اسمه سافوريل

* ثاني شي غسول للوجه من بوندس اجمل غسووول اطلاقا ا جد ينظف وقلل الحبوب بشكل ويرطب مايخلي بشرتك جافه 

*ثالث شي زبدة الكاكو من فازلين جدا جميله وترطيبها جميل .

* رابع شي مقشر وجه من ستيفز للبشره الحساسه اول شي انا بشرتي مختلطه لكن بما انو فيها حبوب فهيا بتكون شويه حساسه بالنسبه لهذا المقشر لانو حيل حبوبه خشنه لكن جميل ويزيل الرؤس السوده وينظف ويزيل الخلايا الميته .

* خامس شي ديودرنت او مزيل رائحة العرق من بيزلين  .حيل حلو واهم شي انو خالي من العطور 

* واخر شي مقشر الشفايف من ذا بودي شوب مره جميل ، وقد كتبت عنو ريفيو 

بعدين نجي للمنظفات  او المزيلات:

* اول شي من اليمين انا غلطت وحطيتو في ذي الصوره فماراح اتكلم غير تحت 

* ثاني شي مزيل المناكير من سيفورا ، سويت عنو ريفيو

* اما هذا الحب مزيل مكياج العيون من لوريال بالنسبه ليا افضل مزيل يشيل الايلاينر الوتر بروف وكلو 

افضل فرشاة شعر : 

هذي الفرشة من نزيه اخذتها لانو مكتوب نو تانقليد يعني لا للتشابك 

وكثير بنات حكو عنها 

اول شي مرره جميله حبيتها ماتقطع الشعر 

اما زيت الماكديميا فهوا جا معاها 

و اللحين الميك اب :

اول شي برودكت الفيس او منتجات الوجه

* من اليمين بيبي كريم من بوندس صراحه حيل حلو وعجبني واتوقع يناسب جميع البشرات

* ثاني شي بيبي كريم من مايبلين كمان مرره حلو وهو مخصص للبشرهة المختلطه والدهنيه لكن ماحسته يناسبها بالعكس احسه يناسب البشره الجافه لانه مرره دهنلي هيا 

*اساس هابي لايت من بورجوا جميل بس مو مره ناسب بشرتي بعد فتره تدهن وكل مازدتي بيعطيك كفردج اكثر بس في النهايه تغطيتو ماتتعدى المتوسطه ابدا ويعطي لوك ديوي بس كل نص ساعه او ساعه اذا حابه لوك مات ثبتي بالباودر وكمان حسيته يخطط شوي حولين انفي 

* بورفيشنال من بنفت المشهور مين مايعرف خافي المسام و مثبت الميك اب جدا رائه وانصح ذوات البشره المختلطه والدهنيه بتجربتو

* اخر شي تحت كونسلر رول اون من غارنيه جمسل استخدمو لتحت عيني فقط تغطيها خفيفه لمتوسطه ويناسب الصباح لانو حيل خفيف لكن مايغطي حيل بما انو هالاتي حييل غامقه

البودر والبلشرس :

* اول شي بودره ستاي مات اللي اشتهرت هالفتره جدا رائعه تخلي الوجه مات حتى بعد كم ساعه ماتخلي مات لكن ديوي بطريقه جميله 

 * ثاني شي بلشر ايلف اتكلمنت عنو في مفضلاتي 

* بعدين من اليمين بلشر ماك لونو بنك بس حييل حلو  

* ع اليسار بلشر من اتش اند ام جدا جميل ولونو بيتشي ع بينك ع روز  خليط رائع وثباتو بيرفكت

، كل البلشرات ثباتهم عالي 

الارواج :

* اول واحد من اليمين من ريميل لونو نود ع بينك رقمو٠٧٠

*ثاني روج من مايبلين المجموعه الجديده لونو مره جميل ماحعرف اوصفو انتو ررحو وشوفو رقمو ٢٤٥

* ثالث روج من مكياجي مجموعة انا حلوة ارواج رائعه مات وثباتها حيل عالي وغير كذا كريميه بس تحوس شوي رقمو ٧

*اخر شي روج من ريفلو مجموعة اللب بتر اسم الروج ريد فلفت رقمو ٤٠

العيون :

* جل لاينر مايبلين الاسود جدا ثابت اصلا وتر بروف سوادو جميل وفي الوان ثانيه

* كحل من نكس لونو ازرق وفي شيمر عامله سواتش 

* كحل من بورجوا لونو ذهبي وفي شيمر وحيل حلو 

* كحل من بودي شوب اتوقع انو لمتيد اديشين عامله لو سواتش اول واحد من اليمين لكن بما انو فاتح فمار اح يبان مرره لكن حيل حلو لتوسيع العين وللصبح او حتى غير الصباح

الحواجب : 

بودرة الحواجب من بودي شوب درجه ٢

جل الحواجب لتثبيت خصوصا للحواجب الكثيفه انصح في وبقوه من بودي شوب 

،

اخيرا الفرش المفضلة واللي استخدمتها اكثر شي :

* اول فرشة من اليمين فرشة الدمج انا استخدمها للاساس جدا عادي لكن انشاءالله ناويه ع f80

* فرشة البلش والكونتور رائعه للكونتور والبلشر وتوزيعها جميل 

* فرشة البودره كبيره وتوزع بطريقة جميله

* فرشة الكونسيلر جدا جميله اذا كنت بنظف حولين فمي او حواجبي بالكونسلر اجمل من الجمال نفسو 

* فرشاة تينجل من ذا بودي شوب استخدمها لمن اعبي حواجبي بالباودر او للايلاينر مرره بيرفكت

وبس هذا كان بوست اليوم انشاءالله عجبكم واي سؤال اتفضلو 

واي اقتراح لتدوينه خبروني